Bugun,

  • USD 11095.31
  • RUB 173.84
  • EUR 10772.44

Adliya vazirligi Respublika maxsus komissiyasining qarori bilan karantinning 2020-yil 10-mayigacha uzaytirilganidan keyin amalga oshiriladigan qo‘shimcha chora-tadbirlar haqida ma’lumot berdi.

Foto: “Daryo”

Foto: “Daryo”

Respublika maxsus komissiyasi tomonidan koronavirus infeksiyasi keng tarqalishining oldini olish maqsadida hozirga qadar joriy etilgan barcha cheklovlarning 2020-yilning 10-mayiga qadar uzaytirilganligidan kelib chiqib, quyidagilar ma’lum qilindi:

  • Xorijiy fuqarolarga berilgan viza muddatlari 2020-yilning 1-iyungacha avtomatik tarzda uzaytirildi.
  • Nooziq-ovqat buyumlar (kiyim-kechak, xo‘jalik mollari, ko‘chatlar, urug‘lar) savdosini sayyor savdo nuqtalari orqali sanitariya-gigiyena talablariga to‘liq rioya qilingan holda tashkil etishga ruxsat beriladi. Bunda ijtimoiy masofa (2 metr) saqlanishi hamda boshqa sanitariya-gigiyena qoidalariga rioya etilishi majburiydir.
  • Karantin davrida muddati tugaydigan barcha ruxsat berish xususiyatiga ega bo‘lgan hujjatlar (litsenziya va ruxsatnomalar) hamda shaxsni tasdiqlovchi hujjatlarning (fuqarolik pasporti, O‘zbekistonda yashash ruxsatnomasi), avtotransport vositalari uchun talab qilinadigan hujjatlar (sug‘urta polisi, transportni boshqarish uchun ishonchnoma, transport vositasini (qayta) ro‘yxatdan o‘tkazganlikni hamda texnik ko‘rikdan o‘tganligini tasdiqlovchi hujjatlar) amal qilish muddati 2020-yil 1-iyulga qadar uzaytiriladi. Ularning muddati o‘tganligi munosabati bilan javobgarlik va boshqa choralar qo‘llanilmaydi.
  • Karantin davrida pensiya pullarini faqatgina bank plastik kartalariga o‘tkazish tartibi belgilanganligini inobatga olgan holda pensionerlarning plastik kartalaridagi operatsiyalar uchun komission to‘lovlarni undirmaslik tartibi joriy etiladi.
  • Elektron raqamli imzo kalitini masofadan turib olish mexanizmi joriy etiladi.
  • Yetkazib berish xizmatini ko‘rsatuvchi litsenziyasiga ega bo‘lgan, yo‘nalishsiz taksilar haydovchilari maxsus kombinezon (shaxsiy himoya kiyimi), tibbiy qo‘lqop va niqoblarda faoliyat olib borishi lozim.
  • Yo‘lovchi tashish faoliyati bilan bog‘liq barcha litsenziyalar bo‘yicha ariza qabul qilish va litsenziyalarni ko‘rib chiqish va berish 2020-yil 10-maygacha qadar vaqtincha to‘xtatiladi.
  • Nodavlat tibbiyot tashkilotlariga barcha talablarga rioya qilgan holda hududdiy sanitariya-epidemiologik osoyishtaligi markazlari rahbarlari tomonidan imzolanadigan shartnoma asosida 2020-yil 1-sentabrga qadar koronavirus infeksiyasini laborator tekshirish bo‘yicha pullik tibbiy xizmat ko‘rsatishlariga ruxsat beriladi.
Shuningdek, respublika hududlarida faoliyat ko‘rsatuvchi dehqon bozorlarida dezinfeksion holatni yanada kuchaytirishga qaratilgan qo‘shimcha choralar belgilanmoqda.

Xususan, dehqon bozorlarida, shu jumladan, bozor hududidan tashqarida joylashgan yirik oziq-ovqat do‘konlarida savdo ijtimoiy masofa (2 metr) saqlagan holda “zigzag” tartibi (quvurlar, bantlar va boshqa shu kabi to‘siqlar orqali) tashkil etiladi.

Har bir bozorga kirishda “dezinfeksiya tunneli” va “sanitariya post”lari, dezinfeksiya guruhlari tashkil etilib, ular bozor hududida karantin choralari talablariga rioya etilishini ta’minlab boradi.

Yuqorida bayon etilgan tartiblar bir tomondan koronavirus infeksiyasi keng tarqalishining oldini olishga, boshqa tomondan esa karantin davrida fuqarolarning sog‘lig‘i hamda ijtimoiy muhofazasini qat’iy ta’minlashga qaratilgan, deyiladi axborotda.

O‘zbekistonda 19-aprel soat 18:00 holatiga ko‘ra, koronavirus infeksiyasini yuqtirib olganlar soni 1543 nafarni tashkil etmoqda, o‘tgan vaqt davomida kasallikka chalingan besh nafar bemor vafot etgan. 19-aprel 17:30 holatiga ko‘ra, O‘zbekistonda koronavirus infeksiyasidan tuzalganlarning umumiy soni 225 nafarga yetgan.

Izoh
Asosiy yangiliklar
Dunyo
“Kasseta mojarosi” — Ukraina prezidenti kabinetiga o‘rnatilgan diktofon, Antarktidaga uchgan samolyot halokati va Tehron konferensiyasining boshlanishi. Kun xronol...
Mahalliy
O‘zbekistonda so‘nggi sutkada 137 kishida koronavirus aniqlandi
Dunyo
To‘qayev Putinning taklifi bilan Moskvaga bordi