Boks bo‘yicha yengil vazn toifasida IBF chempioni Teofimo Lopes WBA va WBO kamari sohibi Vasiliy Lomachenkoga qarshi kechadigan ehtimoliy jang haqida fikr bildirdi.
“Ayrim jihatlarda ikkimizning ham maqsadimiz bir. U ham mutlaq Jahon chempioni bo‘lishni istaydi. Vasiliy hali bunga erisha olmagan.
U o‘z rezyumesiga ko‘proq yutuq qo‘shishga urinadi. O‘ylashimcha, u yakunda boks afsonalari qatoridan joy oladi. Lomachenko kamarimni tortib olish harakatida yuribdi, biroq mening ham niyatim shu — 22 yoshimda mutlaq Jahon chempioni bo‘lishni istayman.
Uni nokautga uchratishga harakat qilaman. U menga qarshi sakkiz raunddan ortiq turib bera olmaydi”, — deydi Lopes.
Eslatib o‘tamiz, ukrainalik bokschi uchta vazn toifasida chempionlik kamarini eng tez qo‘lga kiritish (12 jangda) borasida rekordchi hisoblanadi.
Izoh (0)