Бокс бўйича енгил вазн тоифасида IBF чемпиони Теофимо Лопес WBA ва WBO камари соҳиби Василий Ломаченкога қарши кечадиган эҳтимолий жанг ҳақида фикр билдирди.
«Айрим жиҳатларда иккимизнинг ҳам мақсадимиз бир. У ҳам мутлақ Жаҳон чемпиони бўлишни истайди. Василий ҳали бунга эриша олмаган.
У ўз резюмесига кўпроқ ютуқ қўшишга уринади. Ўйлашимча, у якунда бокс афсоналари қаторидан жой олади. Ломаченко камаримни тортиб олиш ҳаракатида юрибди, бироқ менинг ҳам ниятим шу — 22 ёшимда мутлақ Жаҳон чемпиони бўлишни истайман.
Уни нокаутга учратишга ҳаракат қиламан. У менга қарши саккиз раунддан ортиқ туриб бера олмайди», — дейди Лопес.
Эслатиб ўтамиз, украиналик боксчи учта вазн тоифасида чемпионлик камарини энг тез қўлга киритиш (12 жангда) борасида рекордчи ҳисобланади.
Изоҳ (0)