KXDR tashqi ishlar vaziri Li Son Gvonning ma’lum qilishicha, mamlakat rahbari Kim Chen In AQSh prezidenti Donald Trampga hech qanday maktub yo‘llamagan. Bu haqda Koreya Markaziy telegraf agentligi 19-aprel, yakshanba kuni, xabar berdi.
“AQSh prezidenti avvalgi maktublarni nazarda tutganmi, noma’lum, biroq bizning yetakchimiz AQSh prezidentiga hech qanday maktub yo‘llamadi”, — deydi KXDR TIV rahbari.
18-aprel kuni Tramp Oq uyda o‘tkazilgan brifing chog‘ida Kim Chen Indan “yaxshi maktub” olganini ma’lum qilgandi. Shuningdek, Amerika yetakchisi KXDR rahbari bilan “yaxshi munosabatda” ekanligini bildirgan.
Eslatib o‘tamiz, 2020-yilning yanvar oyida AQSh Shimoliy Koreyaning raketa sinovlarini qayta boshlashi mumkinligini taxmin qilgandi. Mart oyining oxirlariga kelib KXDR Yapon dengizi tomon raketa uchirgani ma’lum bo‘ldi.
Izoh (0)