Janubiy Afrikadagi Kryuger milliy bog‘i sherlari yon-atrofda odamlar yo‘qligiga ishonch hosil qilganidan so‘ng katta yo‘l o‘rtasida uxlashga qaror qildi, deb yozadi BBC.
Ushbu noodatiy holatga bog‘ kuzatuvchisi Richard Souri guvoh bo‘lgan. Bog‘ 25-martdan beri karantinga yopilgan edi. Richard hayvonlardan xabar olishga kelganida ularning yo‘l o‘rtasida uxlab yotganini ko‘rgan va holatni avtomobilidan turib, telefoniga suratga olgan.
“Sherlar avtomobildagi odamlarga ko‘nikib qolgan. Barcha jonivorlar piyoda yurgan odamlardan cho‘chiydi. Agar ularning yoniga piyoda borganimda jonivorlar suratga olishga qo‘ymasdi”, — deydi Richard.
Izoh (0)