Россия Федерациясининг Ингушетия Республикаси Мусулмонлар маънавий бошқармаси раҳбари, муфтий Абдураҳмон Мартазанов коронавирусдан вафот этди. Бу ҳақда «РИА Новости» хабар берган.
Хабарга кўра, муфтий пневмония касаллиги билан касалхонага олиб келинган. Ундан коронавирусни текшириш учун олинган дастлабки тест ижобий натижа кўрсатган.
Муфтийнинг қайси касаллик оқибатида вафот этгани бўйича ҳали якуний ташхис қўйилгани йўқ, дея маълум қилган Ингушетия ҳукумати раиси вазифасини вақтинча бажарувчи Владимир Сластенин.
Абдураҳмон Мартазанов 64 ёшда эди. У 2019 йил июль ойида Ингушетия Мусулмонлар маънавий бошқармаси раҳбари лавозимига сайланганди. Ушбу лавозимни эгаллагунига қадар 20 йил давомида шаръият қозиси сифатида фаолият олиб борган.
11 апрель ҳолатига кўра, Ингушетия Республикасида коронавирусга чалиниш бўйича 29 та ҳолат қайд этилган, беморларнинг бири оғир аҳволда, яна тўрт нафари жонлантириш бўлимларида даволанмоқда. Яна тўрт нафар киши коронавирус гумони билан карантинга олинган.
Мавзуга доир:
Изоҳ (0)