Oliy Majlis Qonunchilik palatasi deputati Bobur Bekmurodov avtomobillarga stiker berish jarayonini qayta tiklash zarurligini aytdi.
Uning fikricha, O‘zbekistonda karantin e’lon qilingani bilan, iqtisodiyot ham, jamiyatdagi jarayonlar ham to‘liq to‘xtab qolgani yo‘q. Deputat qat’iy talablar qo‘yish yo‘li bilan bo‘lsa-da stiker berish amaliyotini davom ettirish lozim, deb aytdi va bunga bir necha sabablarni ko‘rsatdi.
— Ko‘plab tadbirkorlik subyektlari o‘z faoliyat yo‘nalishlarini o‘zgartirib, aholi uchun karantin davrida zarur bo‘lgan himoya niqoblari va kostyumlari, sanitayzerlar, antibakterial sovunlar va boshqa birlamchi ehtiyoj mahsulotlarini ishlab chiqarishga o‘tmoqda.Eslatib o‘tamiz, O‘zbekistonda viloyatlararo, Toshkent va Nukus shaharlari hamda viloyatlar markazlarida Davlat xizmatlari markazlari tomonidan beriladigan maxsus ruxsatnoma (stiker)lar asosida avtotransport vositalari harakatlanishiga ruxsat berilgan. Maxsus ruxsatnomasiz harakatlangan fuqarolarga nisbatan Ma’muriy javobgarlik to‘g‘risidagi kodeksning 54-moddasi asosida jarima qo‘llaniladi, avtotransport vositasi karantin oxirigacha jarima maydonchasida qoladi.Shunday holatlar borki, tadbirkorlar shu kunlarda sog‘liqni saqlash tizimlaridan zarur sertifikatlarni, mahalliy hokimiyatdan ishlash uchun ruxsatnoma ham olishga ulgurganlar, lekin faoliyatni davom ettirish uchun xodimlarni ishga tashish maqsadida stikerga ariza topshirishga ulgurmaganlar.
— Shu paytgacha yetkazib berish xizmatini yo‘lga qo‘ymagan, lekin karantin davri talabidan kelib chiqib bunday xizmatni endi yo‘lga qo‘yayotgan tadbirkorlarda ham avtomobillariga stiker olish imkoniyati mavjud emas.
Hozir kimki o‘z biznesini onlayn formatga o‘tkazmoqchi bo‘lsa, barcha sharoitlarni yaratish zarur bo‘lgan davr.
— Bundan tashqari, xususiy shifoxonalar faoliyatni davom ettirish uchun ruxsatni endi rasmiylashtirishga ulgurganlar, lekin u yerda faoliyat olib boruvchi vrachlarning shaxsiy avtomobilda harakatlanishlariga ruxsat berilmayapti. Xususiy klinikalarning xizmat (tez-tibbiy yordam) mashinalariga ruxsat berilgan, ammo bu mashinalar vrachlar va hamshiralarni ishga tashish bilan emas, bemorlarga xizmat ko‘rsatadi.
Vrachlar shunday og‘ir davrda o‘z sog‘liqlarini xavf ostiga qo‘yib bo‘lsa-da o‘z vazifasini bajarmoqchi.
Bunday misollar ko‘p va ularga imkoniyat yaratish kerak. Davlat rahbari harchand mushkul bo‘lmasin, iqtisodiy va ijtimoiy vazifalarni bajarish, ishlab chiqarish ko‘rsatkichlariga erishish lozimligi haqida bir necha bor ta’kidladi.
Biznesni va tibbiyot muassasalarini qo‘llab-quvvatlash, ular uchun barcha sharoitlarni yaratish kerak va mazkur maqsadlar uchun avtomobillarga stiker berish jarayonini qayta tiklash zarur deb hisoblaymiz.
Bobur Bekmurodov, Oliy Majlis Qonunchilik palatasi deputati
8-aprel holatiga ko‘ra, 195 mingga yaqin ariza kelib tushgan bo‘lib, shulardan 175 mingdan ortig‘i ko‘rib chiqilgan. Natijada 33 mingdan ziyod ariza qanoatlantirilgan, 142,5 mingga yaqin so‘rov belgilangan talablarga javob bermagani uchun rad etilgan. 9-apreldan boshlab ushbu ruxsatnomani berish to‘xtatildi.
O‘zbekistonda koronavirusga qarshi kurash bo‘yicha respublika maxsus komissiyasi avtotransport vositalari harakatlanishiga maxsus ruxsatnomalar talab etilmaydigan holatlar ro‘yxatini yangiladi.
Izoh (0)