Олий Мажлис Қонунчилик палатаси депутати Бобур Бекмуродов автомобилларга стикер бериш жараёнини қайта тиклаш зарурлигини айтди.
Унинг фикрича, Ўзбекистонда карантин эълон қилингани билан, иқтисодиёт ҳам, жамиятдаги жараёнлар ҳам тўлиқ тўхтаб қолгани йўқ. Депутат қатъий талаблар қўйиш йўли билан бўлса-да стикер бериш амалиётини давом эттириш лозим, деб айтди ва бунга бир неча сабабларни кўрсатди.
— Кўплаб тадбиркорлик субъектлари ўз фаолият йўналишларини ўзгартириб, аҳоли учун карантин даврида зарур бўлган ҳимоя ниқоблари ва костюмлари, санитайзерлар, антибактериал совунлар ва бошқа бирламчи эҳтиёж маҳсулотларини ишлаб чиқаришга ўтмоқда.Эслатиб ўтамиз, Ўзбекистонда вилоятлараро, Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан бериладиган махсус рухсатнома (стикер)лар асосида автотранспорт воситалари ҳаракатланишига рухсат берилган. Махсус рухсатномасиз ҳаракатланган фуқароларга нисбатан Маъмурий жавобгарлик тўғрисидаги кодекснинг 54-моддаси асосида жарима қўлланилади, автотранспорт воситаси карантин охиригача жарима майдончасида қолади.Шундай ҳолатлар борки, тадбиркорлар шу кунларда соғлиқни сақлаш тизимларидан зарур сертификатларни, маҳаллий ҳокимиятдан ишлаш учун рухсатнома ҳам олишга улгурганлар, лекин фаолиятни давом эттириш учун ходимларни ишга ташиш мақсадида стикерга ариза топширишга улгурмаганлар.
— Шу пайтгача етказиб бериш хизматини йўлга қўймаган, лекин карантин даври талабидан келиб чиқиб бундай хизматни энди йўлга қўяётган тадбиркорларда ҳам автомобилларига стикер олиш имконияти мавжуд эмас.
Ҳозир кимки ўз бизнесини онлайн форматга ўтказмоқчи бўлса, барча шароитларни яратиш зарур бўлган давр.
— Бундан ташқари, хусусий шифохоналар фаолиятни давом эттириш учун рухсатни энди расмийлаштиришга улгурганлар, лекин у ерда фаолият олиб борувчи врачларнинг шахсий автомобилда ҳаракатланишларига рухсат берилмаяпти. Хусусий клиникаларнинг хизмат (тез-тиббий ёрдам) машиналарига рухсат берилган, аммо бу машиналар врачлар ва ҳамшираларни ишга ташиш билан эмас, беморларга хизмат кўрсатади.
Врачлар шундай оғир даврда ўз соғлиқларини хавф остига қўйиб бўлса-да ўз вазифасини бажармоқчи.
Бундай мисоллар кўп ва уларга имконият яратиш керак. Давлат раҳбари ҳарчанд мушкул бўлмасин, иқтисодий ва ижтимоий вазифаларни бажариш, ишлаб чиқариш кўрсаткичларига эришиш лозимлиги ҳақида бир неча бор таъкидлади.
Бизнесни ва тиббиёт муассасаларини қўллаб-қувватлаш, улар учун барча шароитларни яратиш керак ва мазкур мақсадлар учун автомобилларга стикер бериш жараёнини қайта тиклаш зарур деб ҳисоблаймиз.
Бобур Бекмуродов, Олий Мажлис Қонунчилик палатаси депутати
8 апрель ҳолатига кўра, 195 мингга яқин ариза келиб тушган бўлиб, шулардан 175 мингдан ортиғи кўриб чиқилган. Натижада 33 мингдан зиёд ариза қаноатлантирилган, 142,5 мингга яқин сўров белгиланган талабларга жавоб бермагани учун рад этилган. 9 апрелдан бошлаб ушбу рухсатномани бериш тўхтатилди.
Ўзбекистонда коронавирусга қарши кураш бўйича республика махсус комиссияси автотранспорт воситалари ҳаракатланишига махсус рухсатномалар талаб этилмайдиган ҳолатлар рўйхатини янгилади.
Изоҳ (0)