O‘zbekistonda xizmat ko‘rsatgan artist Rayhon G‘aniyeva aktyor Yigitali Mamajonov bilan ajrashganidan so‘ng o‘ziga kelishi uchun psixologga murojaat qilgan. Bu haqda xonanda MyDay Stories loyihasiga bergan intervyusida so‘zlab berdi.
“Juda kuchli depressiyaga tushib qolganimda psixologga murojaat qilganman. O‘shanda endigina ajrashgan edim, bu menga qattiq ta’sir ko‘rsatgan, judayam tashvishlanganman. O‘sha insondan ayrilganim uchun emas, ajrashgan degan nomni olganim uchun qayg‘uga botganman. O‘zimni hech kimga keraksiz insondek his etganman. Bolalarim otasiz qanday o‘sadi, deb o‘ylaganman. Shunda do‘stim Yakzon psixologga borishimni maslahat bergan. Psixolog qabulida bo‘lganimda u mening qalbimni battar yaralaydigan so‘zlarni aytgan. Men unga ‘siz ahvolimni yanada og‘irlashtiryapsiz, bu nima qilganingiz?’ deganman. Lekin hozirda uning qanchalik haq bo‘lganini anglab yetyapman. U menga ko‘zimda yongan uchqunni qaytardi. Allohga bo‘lgan ishonchimni qaytardi. Hayotimda hammasi yaxshi bo‘lishiga ishonch uyg‘otdi”, — deydi Rayhon.
Eslatib o‘tamiz, xonanda Rayhon G‘aniyeva va aktyor Yigitali Mamajonov 2012-yilning noyabrida turmush qurgan edi. 2014-yilning may oyida esa Rayhon egizak farzandlarni dunyoga keltirgan, ularga Islom va Imron deb ism qo‘yilgan edi.
2016-yilning may oyida Yigitali Mamajonov va Rayhonning nikohi rasman bekor qilingani ma’lum bo‘ldi. 2016-yil 29-oktabrda Rayhon aktyor va boshlovchi Farhod Alimov bilan ikkinchi marta turmush qurdi.
Yigitali bu orada chimkentlik Nigina ismli qiz bilan turmush qurib, qiz farzand ko‘rdi, ko‘p o‘tmay aktyorning bu turmushi ham o‘xshamagani oydinlashdi. 2018-yil dekabrida Yigitali aktrisa Muqaddas Sa’dullayevaga uylangani ma’lum bo‘ldi. Hozirda Yigitali va Muqaddas uch farzandni tarbiyalamoqda.
Izoh (0)