Ўзбекистонда хизмат кўрсатган артист Райҳон Ғаниева актёр Йигитали Мамажонов билан ажрашганидан сўнг ўзига келиши учун психологга мурожаат қилган. Бу ҳақда хонанда MyDay Stories лойиҳасига берган интервьюсида сўзлаб берди.
«Жуда кучли депрессияга тушиб қолганимда психологга мурожаат қилганман. Ўшанда эндигина ажрашган эдим, бу менга қаттиқ таъсир кўрсатган, жудаям ташвишланганман. Ўша инсондан айрилганим учун эмас, ажрашган деган номни олганим учун қайғуга ботганман. Ўзимни ҳеч кимга кераксиз инсондек ҳис этганман. Болаларим отасиз қандай ўсади, деб ўйлаганман. Шунда дўстим Якзон психологга боришимни маслаҳат берган. Психолог қабулида бўлганимда у менинг қалбимни баттар яралайдиган сўзларни айтган. Мен унга ‘сиз аҳволимни янада оғирлаштиряпсиз, бу нима қилганингиз?’ деганман. Лекин ҳозирда унинг қанчалик ҳақ бўлганини англаб етяпман. У менга кўзимда ёнган учқунни қайтарди. Аллоҳга бўлган ишончимни қайтарди. Ҳаётимда ҳаммаси яхши бўлишига ишонч уйғотди», — дейди Райҳон.
Эслатиб ўтамиз, хонанда Райҳон Ғаниева ва актёр Йигитали Мамажонов 2012 йилнинг ноябрида турмуш қурган эди. 2014 йилнинг май ойида эса Райҳон эгизак фарзандларни дунёга келтирган, уларга Ислом ва Имрон деб исм қўйилган эди.
2016 йилнинг май ойида Йигитали Мамажонов ва Райҳоннинг никоҳи расман бекор қилингани маълум бўлди. 2016 йил 29 октябрда Райҳон актёр ва бошловчи Фарҳод Алимов билан иккинчи марта турмуш қурди.
Йигитали бу орада чимкентлик Нигина исмли қиз билан турмуш қуриб, қиз фарзанд кўрди, кўп ўтмай актёрнинг бу турмуши ҳам ўхшамагани ойдинлашди. 2018 йил декабрида Йигитали актриса Муқаддас Саъдуллаевага уйлангани маълум бўлди. Ҳозирда Йигитали ва Муқаддас уч фарзандни тарбияламоқда.
Изоҳ (0)