Rossiyalik uch nafar yakkurashchi Islom Maxachev, Umar Nurmagomedov va Magomed Ankalayev UFC 249 kechasida ishtirok etishdan bosh tortdi.
Bunga sabab qilib sportchilarning koronavirus tufayli Rossiyadagi karantindan chiqib keta olmasliklari ko‘rsatilgan. Bu haqda ularning vakili ma’lum qilgan.
Maxachev 18-aprel kuni Aleksandr Ernandesga qarshi oktagonga chiqishi, Umar Nurmagomedov debyut jangini Azur Hanterga qarshi o‘tkazishi lozim edi. Ankalayevni esa Ion Kutsebalaga qarshi revansh jangi kutayotgandi.
Mazkur kechaning asosiy jangi Habib Nurmagomedov va Toni Fergyuson o‘rtasidagi bo‘lib o‘tishi reja qilingandi. Biroq rossiyalik yakkakurashchi jangda qatnasha olmasligini ma’lum qildi va mazkur sportchilar o‘rtasidagi bahs beshinchi bor bekor bo‘ldi.
Izoh (0)