Ispaniyaning Marca nashri futbol tarixidagi eng yaxshi o‘yinchini aniqlash maqsadida o‘z mushtariylari o‘rtasida so‘rovnoma o‘tkazdi.
Finalda “Yuventus” hujumchisi Krishtianu Ronaldu “Barselona” forvardi Lionel Messini ortda qoldirdi. Portugaliyalik futbolchi 246 ming muxlis (54%) ovoziga ega bo‘lgan, argentinalik hujumchi esa 209 ming (46%) ovoz to‘plagan.
Ronaldu finalga qadar Paolo Maldini, Zinedin Zidan va Diyego Maradonani ortda qoldirgan. Messi esa Ferens Pushkash, Alfredo di Stefano va Ronaldodan ustun kelgan.
Uchinchi o‘rin uchun bahsda “Real” sobiq hujumchisi Ronaldo argentinalik futbol afsonasi Diyego Maradonani ortda qoldirgan. O‘z navbatida Ronaldo chorak finalda yana bir afsona Peledan ko‘proq ovoz to‘plagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)