O‘zbekiston terma jamoasi va “Rostov” klubi hujumchisi Eldor Shomurodov Qatarda o‘tadigan JCh—2022 musobaqasiga borish orzusida ekanini aytdi.
“Jahon Chempionatiga chiqish mamlakat bosh jamoasi va men uchun juda muhim. 34 million o‘zbekistonlik anchadan beri Jahon Chempionatini orzu qiladi. Musobaqa yo‘llanmasini qo‘lga kiritish mamlakatdagi futbol rivojiga juda katta ta’sir o‘tkazadi, bunga o‘z hissamni qo‘shishni istayman.
Butun xalq bizdan tarix yaratishni kutmoqda, umid qilamanki, vatandoshlarimiz biz bilan faxrlanishadi. Har bir o‘yinda gol urishni xohlayman, O‘zbekiston terma jamoasining eng yaxshi to‘purari bo‘lish orzularimdan biri. Bunga erishish uchun borimni beraman.
Bolaligimda Fernando Torres va Didye Drogba ishtirokidagi o‘yinlarni ko‘rishni yoqtirardim. Menga Torresning o‘yin uslubi va Drogbaning maydondagi ishonchli harakatlari juda yoqardi. Ularga o‘xshash uchun juda ko‘p mehnat qilyapman”, — deydi Shomurodov FIFA matbuot xizmatiga bergan intervyusida.
O‘zbekiston terma jamoasi JCh—2022 ikkinchi saralash bosqichining “B” guruhida beshta o‘yin o‘tkazdi va 9 ochko bilan peshqadamlik qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)