Madridning “Real” klubi hujumchisi Karim Benzema o‘zini Fransiya terma jamoasi va “Chelsi” forvardi Olivye Jiru bilan solishtirdi.
“Keling bu mavzuni butunlay yopamiz. “Formula-1”ni karting bilan adashtirmang. Bu yumshoq qilib aytganda. Keling davom etamiz. Aytgancha, “Formula-1” — bu men.
Boshqa u haqda gapirishni istayman. Qanday gol urishni xohlasa uraversin, istagan sovrinini yutsin...”, — deydi Benzema do‘sti bilan Instagram’dagi suhbatda.
Karim terma jamoa safida 81 o‘yin o‘tkazib, 27 ta golga muallif bo‘lgan.
Eslatib o‘tamiz, 2015-yildan buyon Fransiya terma jamoasi bosh murabbiyi Didye Desham Benzemani terma jamoa safiga jalb qilmaydi. O‘yinchi Matyo Valbuenaning bilan bo‘lgan bahsli vaziyatdan keyin terma jamoadan “badarg‘a” qilingan. O‘z navbatida Jiru 2018-yili Fransiya terma jamoasi bilan Jahon chempionligini qo‘lga kiritgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)