Rossiyaning Osetiya respublikasida kiyim-kechak bilan savdo qiluvchi do‘konlardan biri koronavirus sabab uyda o‘tirgan xaridorlarni jalb qilish uchun noodatiy reklama aksiyasiga qo‘l urdi. Unga ko‘ra, biror kiyim sotib olgan mijozga makaron yoki grechka sovg‘a qilinmoqda, deb yozadi “Korrespondent.net”.
Ta’kidlanishicha, Osetiya do‘konlarida ayrim mahsulotlar taqchilligi yuzaga kelgan, xususan, mahalliy aholi uchun donli va makaron mahsulotlari yetishmovchiligi kuzatilmoqda.
Mahsulotlar yetishmayotganidan kiyim-kechak do‘koni foydalanishga qaror qilib, mijozlarni o‘ziga jalb eta boshlagan.
“Koronavirus xavfi tufayli savdo markazlariga bormayotgan yoki pullarini oziq-ovqat mahsulotlari uchun sarflab yuborgan hurmatli fuqarolar! Aslo g‘am chekmang — biz sizlarni kutamiz. Do‘kondon istalgan buyumni xarid qilsangiz, sizga grechka yoki makaron sovg‘a qilinadi, tanlov ixtiyoriy”, — deyiladi do‘konning reklama videoroligida.
Avvalroq O‘zbekistondagi tadbirkorlardan koronavirus karantini sharoitida narxlarni oshirmaslik haqida kafolat xati olinayotgani haqida xabar berilgandi. Tibbiy niqoblar nega qimmatlashganining sababi tushuntirilgan edi. Qaysi tovarlar narxi sun’iy oshirilib, xalqni g‘azablantirayotgani aytildi.
Izoh (0)