Yengil vazn toifasida UFC chempioni Habib Nurmagomedov Toni Fergyusonga qarshi kechadigan jang qayerda o‘tkazilishi haqida aytdi.
“Men kecha (16-mart kuni) Deyna Uayt bilan gaplashdim. U men va Fergyuson o‘rtasidagi jangni nima qilib bo‘lmasin tashkil etib berishini aytdi. Bir necha kundan keyin u jang qayerda o‘tishini ma’lum qiladi”, — deydi Habib.
Eslatib o‘tamiz, Nurmagomedov va Fergyuson o‘rtasidagi jang 18-aprel kuni AQShning Nyu-York shahrida o‘tishi kerak edi. Biroq koronavirus sabab yuzaga kelgan vaziyat tufayli jang belgilangan joyda bo‘lmasligi mumkin.
Avvalroq UFC prezidenti Deyna Uayt ushbu jangni tomoshabinlarsiz bo‘lsa ham o‘tkazishni aytgandi. Ayrim xabarlarga ko‘ra, jang BAAning Dubay shahrida bo‘lib o‘tishi mumkin.
Izoh (0)