Pandemiya vaqtida uyda o‘tirish judayam zerikarli, deb o‘ylaysizmi? Gollivud aktyori Arnold Shvarsenegger bunday deb hisoblamaydi, u vaqtini juda mazmunli o‘tkazmoqda, deb xabar bermoqda Meduza.
U, masalan, Olchaxon laqabli kuchugiga qo‘lni to‘g‘ri yuvishni o‘rgatmoqda (koronavirus tarqalgan vaqtda qo‘lni to‘g‘ri yuvish juda ham muhim!). Aktyorning ta’kidlashicha, qo‘llarni kamida 20 soniya va har bir barmoqqa e’tibor bergan holda yuvish kerak.
“Bu ishni hamma imkon qadar tez-tez takrorlab turishi kerak. Men buni kuniga 50 martacha qilyapman. Har bir harakatimdan so‘ng yana va yana. Har bir inson bu ishni o‘zining va boshqalarning xavfsizligi uchun ham qilishi kerak”, — deydi Shvarsenegger. Videoxabarda aktyor qo‘lini yuvib bo‘lgach, toza qo‘llari bilan kuchukchasini bag‘riga bosganini ko‘rish mumkin.
https://twitter.com/Schwarzenegger/status/1238607101783461891
Arnold Shvarsenegger yanvar oyida aktyor Lulu laqabli eshakchani boqib olgan edi. Eshakcha uning Viski laqabli ponisiga sherik bo‘lgan. Endilikda ular barchasi aktyor bilan birga karantinda o‘tiribdi — Shvarsenegger o‘z jonivorlarini sabzi bilan siylab, barcha muxlislarini uydan chiqmaslikka chaqirmoqda.
“Hozir hech kim uydan chiqmasligi kerak, ayniqsa, 72 yoshdan oshganlar. 65 yoshdan keyin epidemiya vaqti umuman ko‘chaga chiqmaslik kerak — uyda bo‘ling va uyda ovqatlaning. Hech qanday ommaviy tadbirlarga va restoranlarga bormaymiz. Biz uyda qolamiz”, — deydi aktyor o‘z videomurojaatida.
https://twitter.com/Schwarzenegger/status/1239383795205169152
Avvalroq britaniyalik aktyor Idris Elba, Gollivud aktyori Tom Xenks va uning rafiqasi, shuningdek, aktrisa Olga Kurilenkoda ham koronavirus aniqlangani haqida xabar berilgan edi.
Izoh (0)