Пандемия вақтида уйда ўтириш жудаям зерикарли, деб ўйлайсизми? Голливуд актёри Арнольд Шварценеггер бундай деб ҳисобламайди, у вақтини жуда мазмунли ўтказмоқда, деб хабар бермоқда Meduza.
У, масалан, Олчахон лақабли кучугига қўлни тўғри ювишни ўргатмоқда (коронавирус тарқалган вақтда қўлни тўғри ювиш жуда ҳам муҳим!). Актёрнинг таъкидлашича, қўлларни камида 20 сония ва ҳар бир бармоққа эътибор берган ҳолда ювиш керак.
«Бу ишни ҳамма имкон қадар тез-тез такрорлаб туриши керак. Мен буни кунига 50 мартача қиляпман. Ҳар бир ҳаракатимдан сўнг яна ва яна. Ҳар бир инсон бу ишни ўзининг ва бошқаларнинг хавфсизлиги учун ҳам қилиши керак», — дейди Шварценеггер. Видеохабарда актёр қўлини ювиб бўлгач, тоза қўллари билан кучукчасини бағрига босганини кўриш мумкин.
https://twitter.com/Schwarzenegger/status/1238607101783461891
Арнольд Шварценеггер январь ойида актёр Лулу лақабли эшакчани боқиб олган эди. Эшакча унинг Виски лақабли понисига шерик бўлган. Эндиликда улар барчаси актёр билан бирга карантинда ўтирибди — Шварценеггер ўз жониворларини сабзи билан сийлаб, барча мухлисларини уйдан чиқмасликка чақирмоқда.
«Ҳозир ҳеч ким уйдан чиқмаслиги керак, айниқса, 72 ёшдан ошганлар. 65 ёшдан кейин эпидемия вақти умуман кўчага чиқмаслик керак — уйда бўлинг ва уйда овқатланинг. Ҳеч қандай оммавий тадбирларга ва ресторанларга бормаймиз. Биз уйда қоламиз», — дейди актёр ўз видеомурожаатида.
https://twitter.com/Schwarzenegger/status/1239383795205169152
Аввалроқ британиялик актёр Идрис Эльба, Голливуд актёри Том Хенкс ва унинг рафиқаси, шунингдек, актриса Ольга Куриленкода ҳам коронавирус аниқлангани ҳақида хабар берилган эди.
Изоҳ (0)