Yerdan tashqaridagi signallar tahlili asosida koinotda boshqa tirik mavjudotlarni — o‘zga sayyoraliklarni izlash bilan shug‘ullanuvchi SETI@home loyihasi to‘xtatildi. Tadqiqotlarni boshqarib borgan Kaliforniyadagi Berkli instituti bu haqda rasmiy bayonot bergan.
SETI@home yerdan boshqa sayyoralardagi sivilizatsiyalarni izlovchi SETI loyihalaridan biri edi. Ushbu loyihalarda fazodan kelayotgan signallar tahlil qilinib, kelib chiqishi sun’iy bo‘lganlari o‘rganilardi. Bu haqda Meduza xabar bergan.
SETI@home esa kelib tushayotgan signallarning ko‘paygani tufayli ishlab chiqarish zaruratiga ko‘ra o‘ylab topilgandi. Loyiha 1999-yilda start olgan, o‘shanda Berkli olimlari dastur yaratishgan va unga ega har qanday odam Puerto-Rikodagi Aresibo teleskopidan qabul qilingan signallar quvvatini o‘z uyidagi kompyuter orqali o‘rganishga mo‘ljallangandi. 20 yil ichida dasturda bir necha million nafar odam ishtirok etgan.
https://twitter.com/BerkeleySETI/status/1234648658726928387
Loyiha mualliflari uning to‘xtatilganiga ikkita sabab keltirgan. Birinchidan, bu yig‘ilgan ma’lumotlarning ilmiy qiymatini tushirib yubormoqda. Ikkinchidan, ularning soni muammoga aylanmoqda. Dastur ishlagan ushbu oraliqqa shu qadar ko‘p axborotlar to‘planganki, olimlar kelib tushgan signallarni tahlil qilshi va o‘rganishi uchun muayyan vaqt talab qilinadi.
Olimlar katta hajmdagi signallarni o‘rganishga yangi astronomik tadqiqotlar talab etilsa, SETI@home’ning qayta ishga tushirilishi mumkinligini inkor etmagan.
Izoh (0)