Suriya hukumati mamlakatdagi barcha o‘quv muassasalarini 2-aprelga qadar yopish, davlat idoralaridagi xodimlar soni va ish vaqti kunlik normasini qisqartirish yuzasidan farmoyish chiqardi. Bu haqda Suriya davlat agentligi (SANA) xabar bergan.
Shuningdek, farmoyishga ko‘ra, barcha ilmiy, madaniyat va ko‘ngilochar ommaviy tadbirlarning o‘tkazilishi ham bekor qilingan. Restoran, kafe yoki yopiq konsert zallarida chilimning taqiqlangani ustidan qat’iy nazorat o‘rnatish ham belgilab qo‘yilgan.
Xabar qilinishicha, Suriyada koronavirus yuqtirganlikda gumon qilinganlarni karantinga olish uchun bitta provinsiyada kamida ikkita tibbiyot muassasi faoliyat olib borishi ta’minlanishi lozim. Shu bilan birga tibbiyot oliygohlarining yuqori bosqich talabalarini ham zarurat bo‘lganda koronavirus yuqtirib olganlarga qarash uchun jalb etish ham ko‘zda tutilgan.
Mavzuga doir:
Bugungacha Suriya hukumati tomonidan mamlakatda rasman koronavirus bilan kasallangan bemorlarning aniqlangani yuzasidan xabarlar berilmagan.
Izoh (0)