O‘zbekiston va Tojikiston hukumatlari o‘rtasidagi kelishuv asosida 5-mart kuni Hisor shahriga 9 ta ekskavatorda o‘zbek haydovchilari yetib keldi, deb xabar berdi ASIA-Plus.
Ushbu texnika Katta Hisor kanalini tozalashga mo‘ljallangan. Kanalni tozalash ishlari 8-mart kuni Hisor qishlog‘i hududidan boshlangan hamda Dushanbe daryosining Sino tumanidagi manbasigacha davom etadi.
Tuzilgan grafikka ko‘ra, kanalning 18 kilometrini tozalash rejalashtirilmoqda.
11-mart holatiga ko‘ra, 6,3 kilometr (ikkala tomon kanal qirg‘oqlaridan 3,15 kilometr masofada) tozalangan va Hisor shahri hukumati yordam sifatida tozalash ishlariga 3 ta texnika va 30 kishini jalb qilgan.
Mintaqaning muhim suv arteriylaridan biri — Katta Hisor kanali qurilishi 1940-yilning sentabr oyida boshlangan. Hashar usuli bilan tashkil etilgan ishlar urushning eng og‘ir oylarida ham to‘xtamagan va ikki yil o‘tgach, 1942-yilning sentabr oyida kanal qurilishi yakunlangan.
Bugungi kunga qadar Katta Hisor kanali butun Hisor vodiysining asosiy suv ta’minotchisi bo‘lib qolmoqda. Kanalning uzunligi 49,3 kilometrni tashkil etadi.
Izoh (0)