Ердан ташқаридаги сигналлар таҳлили асосида коинотда бошқа тирик мавжудотларни — ўзга сайёраликларни излаш билан шуғулланувчи SETI@home лойиҳаси тўхтатилди. Тадқиқотларни бошқариб борган Калифорниядаги Беркли институти бу ҳақда расмий баёнот берган.
SETI@home ердан бошқа сайёралардаги цивилизацияларни изловчи SETI лойиҳаларидан бири эди. Ушбу лойиҳаларда фазодан келаётган сигналлар таҳлил қилиниб, келиб чиқиши сунъий бўлганлари ўрганиларди. Бу ҳақда Meduza хабар берган.
SETI@home эса келиб тушаётган сигналларнинг кўпайгани туфайли ишлаб чиқариш заруратига кўра ўйлаб топилганди. Лойиҳа 1999 йилда старт олган, ўшанда Беркли олимлари дастур яратишган ва унга эга ҳар қандай одам Пуэрто-Рикодаги Аресибо телескопидан қабул қилинган сигналлар қувватини ўз уйидаги компьютер орқали ўрганишга мўлжалланганди. 20 йил ичида дастурда бир неча миллион нафар одам иштирок этган.
Thanks to the many volunteers who have helped crunch data for SETI@home in the last two decades. On March 31, the project will stop sending out new work to users, but this is not the end of public engagement in SETI research. pic.twitter.com/P0t0v8w7n4
— UC Berkeley SETI (@BerkeleySETI) March 3, 2020
Лойиҳа муаллифлари унинг тўхтатилганига иккита сабаб келтирган. Биринчидан, бу йиғилган маълумотларнинг илмий қийматини тушириб юбормоқда. Иккинчидан, уларнинг сони муаммога айланмоқда. Дастур ишлаган ушбу оралиққа шу қадар кўп ахборотлар тўпланганки, олимлар келиб тушган сигналларни таҳлил қилши ва ўрганиши учун муайян вақт талаб қилинади.
Олимлар катта ҳажмдаги сигналларни ўрганишга янги астрономик тадқиқотлар талаб этилса, SETI@home’нинг қайта ишга туширилиши мумкинлигини инкор этмаган.
Изоҳ (0)