Buyuk Britaniyaning mashhur jurnallaridan biri bo‘lgan The Telegraph O‘zbekistonni sayyohlar tashrif buyurishi mumkin bo‘lgan koronavirusdan xoli 19 davlatlar ro‘yxatiga kiritdi.
O‘zbekistondan tashqari ro‘yxatga Argentina, Kuba, Namibiya va boshqa davlatlar kiritilgan. Nashrda aytilishicha, ushbu mamlakatlarda koronavirusdan kasallanish holati aniqlanmagan bo‘lib, tomosha qilish mumkin bo‘lgan joylar bor.
Ushbu nashr sarguzasht istovchi sayyohlarga borish tavsiya etiladigan 50 ta turistik yo‘nalish ro‘yxatini tuzib chiqqandi. Ro‘yxatning birinchi pog‘onasi O‘zbekistonga nasib etgan.
Avvalroq Davlat turizm qo‘mitasi O‘zbekistonni koronavirusdan xoli mamlakat sifatida targ‘ib qilmoqchi ekanligi xabar berilgan edi.
UNWTO (Butunjahon sayyohlik tashkiloti)ning so‘nggi ma’lumotlariga ko‘ra, O‘zbekiston turizm sohasi eng jadal sur’atlarda rivojlanayotgan Top-20 mamlakat ro‘yxatidan o‘rin olgan.
AQShning Harper’s Bazaar nashri 2020-yilda turistlarga sayohat qilish tavsiya qilinadigan 20 ta eng yaxshi yo‘nalish ro‘yxatini taqdim qilgan va ushbu reytingda ham O‘zbekiston yetakchi o‘rinda qayd etilgan.
Xavfsiz turizm bo‘yicha Insurly reytingida MDH davlatlari orasida esa O‘zbekiston 1-o‘rinni egallagan.
Mavzuga doir:
- Koronavirus epidemiyasiga qaramay O‘zbekistonga kelayotgan xitoylik sayyohlar soni oshdi
- O‘zbekiston oliy ta’lim muassasalarida turizm bilan bog‘liq yangi fanlar joriy etilishi mumkin
- O‘zbekistonda musulmon sayohatchilar uchun qo‘shimcha shart-sharoitlar yaratish maqsadida jamoat joylarida ibodat va tahorat qilish xonalari yartiladi
Izoh (0)