Буюк Британиянинг машҳур журналларидан бири бўлган The Telegraph Ўзбекистонни сайёҳлар ташриф буюриши мумкин бўлган коронавирусдан холи 19 давлатлар рўйхатига киритди.
Ўзбекистондан ташқари рўйхатга Аргентина, Куба, Намибия ва бошқа давлатлар киритилган. Нашрда айтилишича, ушбу мамлакатларда коронавирусдан касалланиш ҳолати аниқланмаган бўлиб, томоша қилиш мумкин бўлган жойлар бор.
Ушбу нашр саргузашт истовчи сайёҳларга бориш тавсия этиладиган 50 та туристик йўналиш рўйхатини тузиб чиққанди. Рўйхатнинг биринчи поғонаси Ўзбекистонга насиб этган.
Аввалроқ Давлат туризм қўмитаси Ўзбекистонни коронавирусдан холи мамлакат сифатида тарғиб қилмоқчи эканлиги хабар берилган эди.
UNWTO (Бутунжаҳон сайёҳлик ташкилоти)нинг сўнгги маълумотларига кўра, Ўзбекистон туризм соҳаси энг жадал суръатларда ривожланаётган Топ-20 мамлакат рўйхатидан ўрин олган.
АҚШнинг Harper’s Bazaar нашри 2020 йилда туристларга саёҳат қилиш тавсия қилинадиган 20 та энг яхши йўналиш рўйхатини тақдим қилган ва ушбу рейтингда ҳам Ўзбекистон етакчи ўринда қайд этилган.
Хавфсиз туризм бўйича Insurly рейтингида МДҲ давлатлари орасида эса Ўзбекистон 1-ўринни эгаллаган.
Мавзуга доир:
- Коронавирус эпидемиясига қарамай Ўзбекистонга келаётган хитойлик сайёҳлар сони ошди
- Ўзбекистон олий таълим муассасаларида туризм билан боғлиқ янги фанлар жорий этилиши мумкин
- Ўзбекистонда мусулмон саёҳатчилар учун қўшимча шарт-шароитлар яратиш мақсадида жамоат жойларида ибодат ва таҳорат қилиш хоналари яртилади
Изоҳ (0)