AliExpress internet-maydoni xaridorlarni COVID-19 koronavirus infeksiyasining tarqalganligi tufayli buyurtmalarni qabul qilib olishda bir oz kechikishlar bo‘lishi haqida ogohlantirdi. Bu haqda “RBK” xabar bergan.
“Biz sizning buyurtmangizni iloji boricha tezroq yetkazishga harakat qilamiz, ammo koronavirus tufayli kechikishlar kuzatilishi mumkin”, — deyiladi AliExpress’ning ijtimoiy tarmoqlardagi sahifalarida.
Mijozlarga yo‘llangan murojaatda Jahon sog‘liqni saqlash tashkilotining ushbu jo‘natmalarni xavfsiz deb topgani, biroq ba’zan, ayrim holatlarda buyumlarni yuborish ko‘proq vaqt talab qilayotgani qayd etilgan. AliExpress murojaaati ostidagi rolikda posilkalarning qanday dezinfeksiya qilinishi ko‘rsatilgan.
“Sabringiz uchun tashakkur. Biz jo‘natmangizni iloji boricha tezroq yetkazib berishga harakat qilamiz”, — deyiladi AliExpress murojaatida.
JSSTning COVID-19 koronavirusi haqidagi eslatmasida kasallik tarqalgan hududlardagi pochta jo‘natmalarining xavfsiz ekani va koronavirusning bir necha soat yoki kunlar davomida ochiq havoda yashay olmasli qayd etilgan.
“Infeksiyaning buyurtma qilingan tovarlarning yetkazib berilish jarayonida COVID-19 koronavirusining odamga yuqishining ehtimoli juda kam, sababi jo‘natma manzilga yetib kelguniga qadar turli ob-havo hamda harorat sharoitlarida qoladi”, — deyilgan JSST bayonotida.
COVID-19 koronavirusi Xitoyda 2019-yilning oxirida tarqala boshlagan. 3-mart holatiga kasallikka chalinganlar soni 90 ming nafar odamdan oshgan, 3124 nafar odam vafot etgan. Qurbonlarning 2946 nafari Xitoy fuqarolari.
Izoh (0)