Qozog‘istonning Aqto‘be viloyatidagi Karabutak—Kostanay trassasida 25-fevral, seshanba kuni, 45 nafar yo‘lovchi — O‘zbekiston va Tojikiston fuqarolari bo‘lgan avtobus ag‘darilib ketgani haqida xabar berilgan edi. O‘zbekiston Tashqi ishlar vazirligi mazkur holat bo‘yicha xabar berdi.
Ma’lum qilinishicha, O‘zbekistonning Aqtau shahridagi Bosh konsulxonasi 26-fevral, chorshanba kuni, Chimkent—Yekaterinburg yo‘nalishi bo‘ylab harakatlanayotgan va yo‘lovchilar orasida 14 nafar O‘zbekiston fuqarosi bo‘lgan avtobus Aqto‘be viloyati hududida ag‘darilib ketgani to‘g‘risidagi OAVda tarqalgan xabarni tasdiqlagan.
Qayd etilishicha, hodisa oqibatida hech kim jabrlanmagan, tibbiy yordamga ehtiyoj sezilmagan. Qozog‘istonning yo‘l politsiyasi va favqulodda vaziyatlar bo‘yicha organlari xodimlarining yordami bilan yo‘lovchilar evakuatsiya qilingan, avtobusga texnik xizmat ko‘rsatilgan va yo‘nalishini davom ettirgan.
TIV Konsullik-huquqiy departamenti O‘zbekiston fuqarolariga avtobuslarda yoki avtomobil transportining boshqa turlarida qishgi vaqtda Qozog‘istonga kirishda yoki uning hududidan o‘tishda ehtimoliy xatarlarni hisobga olish va tegishli choralar ko‘rish zarurligini eslatgan.
Avvalroq Qozog‘istonda 42 nafar o‘zbekistonlik bo‘lgan avtobus qorda qolib ketgan edi.
Izoh (0)