Oliy Majlis Senatining 28 fevral, juma kuni, bo‘lib o‘tgan ikkinchi yalpi majlisida senatorlar Oliy sud sudyasi lavozimiga ikki nafar nomzodni sayladilar. Bu haqda “Daryo” muxbiri xabar berdi.
Majlisda nutq so‘zlagan Oliy sud raisi o‘rinbosari Xolmo‘min Yodgorovning aytishicha, ushbu nomzodlar — Abdurasul Eranov hamda Bobur Islomov kasbiy bilimi va malakasi nuqtayi nazaridan mazkur lavozimga munosib ko‘rilgan.
Abdurasul Eranov 1961-yil Namangan viloyatida tug‘ilgan. 1985—2000-yillarda Namangan viloyati prokurori o‘rinbosari, viloyat prokuraturasi tergov boshqarmasi boshlig‘i o‘rinbosari, 2000—2020-yillarda tuman, viloyat sudlari va Oliy sudda faoliyat yuritgan. 2017-yildan shu kunga qadar Farg‘ona viloyati ma’muriy sudining raisi lavozimida ishlab kelgan.
Bobur Islomov 1983-yil Qashqadaryo viloyatida tug‘ilgan. 2010-yildan shu kunga qadar Qashqadaryo va Xorazm viloyatlari sudida mehnat qilgan.
Senat qarori bilan 2018-yil 30-martda Oliy sud sudyasi etib saylangan Saylaubay Mambetkadirov boshqa ishga o‘tayotgani, ya’ni Qoraqalpog‘iston Respublikasi adliya vaziri etib tayinlanayotgani munosabati bilan lavozimidan ozod qilindi.
Izoh (0)