Ijtimoiy tarmoqlarda hokimiyat vakili ekanligi aytilgan mansabdor, murojaat qilib kelgan fermerni kaltaklayotgani tasvirlangan video tarqaldi.
Videoda hokimiyat binosi oldida ushbu hokimiyat yuristi aytilgan shaxs fuqaroni tepgani, bunga javob qaytargan fuqaro esa hokimiyat vakilini so‘kib, unga qarshilik ko‘rsatgani tasvirlanadi.
“Daryo” Shahrisabz tuman hokimligi axborot xizmati rahbari Sarvar Primov bilan bog‘landi. Hokimlik matbuot kotibi voqea haqiqatdan ham tuman hokimligida, biroq 2018-yilning oktyabr oyida sodir bo‘lganini ma’lum qildi. Hokimiyat vakili ekanligi aytilayotgan kishi haqiqatdan ham hokimiyat huquqshunosi Farhod G'aniyev. Fuqaro esa fermer.
Ma’lum qilinishicha, mazkur holat yuzasidan sud qarori ham chiqqan. Ammo qarorda nima deyilgani, kimga qanday chora ko‘rilgani ochiqlanmadi.
Izoh (0)