5-fevral kuni Termiz arxeologiya muzeyi xodimlari tomonidan Termiz tumanidagi “Zumola” yodgorligi yaqinida joylashgan dala ekin maydonidan Kushon podshohligi davriga oid oziq-ovqat saqlanadigan omborxona topildi. Bu haqda Madaniyat vazirligi matbuot xizmati xabar berdi.
Qayd etilishicha, dastlab obyekt haqida muzey rahbariyatiga mahalliy fermer ishchisi xabar bergan.
So‘ngra Termiz Arxeologiya muzeyi xodimlari tomonidan viloyat madaniy meros boshqarmasiga xabar berildi. 6x6 m2 hududida olib borilgan qazishma ishlari jarayonida 22 dona don mahsulotlari saqlanadigan xumlar topildi, deyiladi xabarda.
Qazishma yanada kattaligi taxmin qilinmoqda. Ayni paytda mazkur hududda arxeologik qazishma ishlari keng qamrovda olib borilmoqda.
Izoh (0)