Prezident Shavkat Mirziyoyevning 12-fevraldagi farmoyishiga muvofiq, O‘zbekiston koronavirus yangi turining keng tarqalishini oldini olish, epidemiologik vaziyatni jilovlash hamda uni mahalliylashtirish, kasallikka qarshi kurash harakatlarni qo‘llab-quvvatlash maqsadida Xitoyga insonparvarlik yordami jo‘natadi.
Vazirlar Mahkamasi matbuot xizmatidan “Daryo”ga berilgan axborotga ko‘ra, gumanitar yuk tarkibida eng zaruriy tibbiy anjomlar, xususan, Xitoyda ayni paytda talab etilayotgan bir marta qo‘llanadigan steril qo‘lqoplar, himoyalovchi ust kiyim, niqob va boshqalar mavjud. Yuk O‘zbekiston Favqulodda vaziyatlar vazirligi tomonidan Xitoyga yetkaziladi.
Qo‘shimcha qilinishicha, gumanitar yordamning ikkinchi partiyasi ham shakllantirilmoqda. Mamlakatdagi to‘qimachilik korxonalarida Xitoyga yuborish maqsadida tibbiy niqob va himoya kiyimlari tayyorlanmoqda.
Avvalroq yangi koronavirus infeksiyasiga Covid-19 deb nom berilgani, 12-fevral holatiga kra ushbu kasallik oqibatida vafot etganlar soni 1100 kishidan oshib ketgani haqida xabar berilgan edi. 11-fevral kuni Turkmanistonda koronavirusdan bir kishi vafot etgani haqida xabarlar tarqaldi, biroq bu rasman tasdiqlanmadi.
O‘zbekiston va koronavirus:
- Bojxona qo‘mitasi rasmiysi: “O‘zbekiston va Xitoy o‘rtasidagi savdo-sotiqda hech qanday taqiq o‘rnatilgani yo‘q”
- Navoiy viloyatida shartli koronavirusga qarshi maxsus-taktik o‘quv mashqi o‘tkazildi (foto)
- Uchtepa tumanida koronavirusga qarshi kurash bo‘yicha dezinfeksiya o‘tkazildi
- Xitoydan qaytgan 2676 nafar o‘zbekistonlikda koronavirus aniqlanmadi
- Sog‘liqni saqlash vazirligi bolalar bog‘chalariga bolalarni koronavirusdan saqlash bo‘yicha yo‘riqnoma berdi
Izoh (0)