O‘zbekistonda joriy yil 10 ta xalqaro va 114 ta mahalliy yangi avtobus yo‘nalishi ochiladi

O‘zbekistonda joriy yil 10 ta xalqaro va 114 ta mahalliy yangi avtobus yo‘nalishi ochiladi. Bu Prezidentning “Ilm, ma’rifat va raqamli iqtisodiyotni rivojlantirish yili” davlat dasturiga oid farmoni loyihasida ko‘zda tutilgan.

Hujjatda Toshkent metropolitenining Sergeli yo‘nalishida qurilish ishlarini yakunlash, yerusti metro xalqa yo‘lining Qo‘yliq bozoridan Olmazor bekatigacha bo‘lgan qismida qurilish ishlarini olib borilishi qayd etilgan.

Shuningdek, Ispaniyadan 2 ta Talgo tezyurar poyezdi olib kelinishi, Pop—Namangan—Andijon temir yo‘l uchastkasini elektrlashtirish ishlarini yakuniga yetkazish va vodiy viloyatlari bo‘yicha aylanma halqa temir yo‘li bo‘ylab yangi elektr poyezdlari qatnovini yo‘lga qo‘yish rejalashtirilgan.

Aholiga avtotransport xizmati ko‘rsatish tizimini yaxshilash maqsadida respublika bo‘yicha:

10 ta xalqaro va 114 ta mahalliy yangi avtobus yo‘nalishini ochish;

26 ta avtostansiya qurish va rekonstruksiya qilish;

296 ta oraliq bekatlarni qurish;

600 ta yangi avtubus sotib olish ko‘zda tutilgan.