Davlat statistika qo‘mitasi 2019-yilda davomida xorijdan O‘zbekistonga ko‘chib kelgan odamlar sonini ma’lum qildi. Ma’lumotga ko‘ra, o‘tgan yili turli xorijiy mamlakatlardan O‘zbekistonga jami 2527 kishi ko‘chib kelgan.
Davstat qo‘mitasi axboroti bo‘yicha, 2019-yilda Qozog‘istondan 839 nafar, Rossiyadan 588 nafar, Tojikistondan 541 nafar, Qirg‘izistondan 307 nafar va boshqa davlatlardan 252 nafar odam O‘zbekistonga ko‘chib kelgan.
Odamlarning ko‘pchilik qismi ya’ni 775 nafari Toshkent viloyatiga ko‘chib kelgan. Xorijdan kelganlarning eng kam qismi – 3 nafari Surxondaryo viloyatiga kelgan.
Avval 2019-yil O‘zbekistonda respublika bo‘yicha 13,2 ming kishi doimiy yashash uchun xorijiy mamlakatlarga ko‘chib ketgani, ularning eng ko‘p qismi — 57,5 foizi Qozog‘istonga ketgani, keyingi o‘rinlarni Rossiya (37,7 foiz), AQSh (0,8 foiz) va Isroil (0,7 foiz) davlatlari egallagani xabar qilingan.
Izoh (0)