Qo‘shni davlatlardan o‘qishini ko‘chirmoqchi bo‘lgan talabalar uchun mazkur davlatlardagi elchixonalar telefon raqamlari ma’lum qilindi

O‘zbekistonga qo‘shni bo‘lgan Qozog‘iston, Qirg‘iziston va Tojikistondagi oliy ta’lim muassasalarida o‘qiyotgan va o‘qishini O‘zbekistondagi OTMlarga ko‘chirish istagini bildirgan talabalarga o‘qishni ko‘chirish bo‘yicha ariza topshirishga ruxsat etilgan edi.

O‘zbekiston Oliy va o‘rta-maxsus ta’lim vazirligi o‘qishni ko‘chirish tartibi bo‘yicha eng ko‘p berilayotgan savollarga javob berdi va o‘qishni ko‘chirish muddati joriy yilning 15-martigacha uzaytirilganini ma’lum qildi.

Shuningdek, o‘qishini ko‘chirish istagini bildirgan talabalarga O‘zbekistonning mazkur davlatlardagi elchixonalari yordam berishi ham aytilgan edi.

O‘zbekiston Tashqi ishlar vazirligi esa Qozog‘iston, Qirg‘iziston va Tojikistonda tahsil olayotgan O‘zbekiston fuqarolarining o‘qishini respublika oliy ta‘lim muassasalariga ko‘chirish uchun mazkur davlatlardagi diplomatik vakolatxonalarga murojaat qilish mumkinligi haqida xabar berdi.

TIV tomonidan ma’lum qilinishicha, o‘qishini respublika oliy ta‘lim muassasalariga ko‘chirmoqchi bo‘lgan talabalar O‘zbekistonning mazkur mamlakatlardagi diplomatik va konsullik muassasalari mas’ul xodimlariga quyidagi telefon raqamlarini orqali murojaat qilishi mumkin:

1. Qozog‘istondagi elchixona (Nur-Sulton shahri) +77772182010, +77712008752.
2. Qirg‘izistondagi elchixona (Bishkek shahri) +996555700145.
3. Tojikistondagi elchixona (Dushanbe shahri) +992938884442.
4. Aqtau shahridagi Bosh konsulxona (Qozog‘iston) +77292777117, +77775990052.
5. Olmaota shahridagi Bosh konsulxona (Qozog‘iston) +77273902616, +77779504433, +77779504455, +77779504422, +77779504411.