Toshkent viloyati IIBB huzuridagi Tergov boshqarmasi tomonidan o‘tgan 2019-yil davomida fuqarolar va davlat tashkilotlariga yetkazilgan 20 milliard 860 million 455 ming so‘mlik moddiy zararlar undirilib, qonuniy egalariga qaytarildi. Bu haqda Tergov boshqarmasining 2019-yil sarhisobiga bag‘ishlangan yakuniy yig‘ilishida ma’lum qilindi.
IIBB matbuot xizmati xabariga ko‘ra, o‘tgan 2019-davomida jami 5 305 ta jinoyat ishlari tergov qilingan bo‘lib, ularning 75,3 foizi to‘liq tamomlangan. Jinoyatlarni o‘z vaqtida fosh etish, har tomonlama, to‘la va xolisona tergov qilinishi yuzasidan manzilli chora-tadbirlar belgilanganligi sababli o‘tgan yilga nisbatan 469 taga kamaygan yoki 533 ta jinoyat ishlari to‘xtatilgan. Bu 2018-yilga nisbatan 46,8 foizga yaxshilanganini ko‘rsatadi.
Qidiruv asosi bilan to‘xtatilgan jinoyat ishlari 468 tadan 383 taga kamayishiga erishilgan. Xodimlar tomonidan qidiruvdagi 7 ta shaxs ushlangan.
Shu bilan birga, kelib tushgan jami 1 500 dan ortiq jismoniy va yuridik shaxslarning murojaatlari ko‘rib chiqilgan bo‘lib, ularning 37,2 foiziga huquqiy tushuntirishlar berilgan bo‘lsa, 62,8 foizi ijobiy hal etilgan. Jumladan, boshqarma va uning quyi tizimlari tomonidan yil davomida tergov qilingan jinoyat ishlari bo‘yicha fuqarolarga, davlat va jamoat tashkilotlariga yetkazilgan 20 milliard 860 million 455 ming so‘mlik moddiy zararlar undirilib, qonuniy egalariga qaytarilganligi ma’lum qilindi.
Izoh (0)