Andijon viloyati hokimi Shuhratbek Abdurahmonov sportchi Ruslanbek Nuriddinovning 2-fevral, yakshanba kuni, bo‘lib o‘tgan nikoh to‘yida qatnashib, ikki yoshga baxt tilagan.
https://youtu.be/5i6xDGKfVvA?t=84
Hokim Abdurahmonov tabrik so‘zida kelinni o‘z qizidek ko‘rishini va uning qarindoshlari eng yaqin insonlari ekanligini ta’kidlab o‘tgan.
“Avvalo Andijonda menga yot odam yo‘q. Men buni internetga ham chiqib aytaman, televideniyeda ham aytaman. Bilmadim, internetda ham “zvezda” bo‘lsam kerak. Andijon qizlarining hammasi — o‘zimning qizlarim. Birorta begona odam kelib, bularni xafa qiladigan bo‘lsa, jonini olaman, deyman”.Eslatib o‘tamiz, 2019-yilning iyul oyida o‘tgan videoselektor yig‘ilishida Prezident Shavkat Mirziyoyev Andijon viloyati hokimi Shuhratbek Abdurahmonov bilan bog‘liq xabarlarni kuzatganini, Andijon viloyatida ijtimoiy sohada amalga oshirilayotgan ishlardan ko‘ngli to‘lmayotganini aytib o‘tgan.Shuhratbek Abdurahmonov, Andijon viloyati hokimi, senator
“Seni hurmat qilaman. Lekin internetdagi gaplar dilimni og‘ritdi. Og‘ir-bosiq bo‘l. Sadoqat boshqa, amal boshqa”, — degan Prezident.
O‘z navbatida, hokim yo‘l qo‘ygan xatolarini tushunib yetganini aytib, bu holat uchun uzr so‘ragan va bunday holat boshqa takrorlanmasligiga va’da bergan.
Ma’lumot uchun, 2019-yilning iyun oyida Shuhratbek Abdurahmonov viloyat hokimligida o‘tkazilgan yig‘ilishda boshqa mansabdorlarni (xususan, sog‘liqni saqlash vaziri Alisher Shodmonovni) qo‘pol so‘zlar bilan haqorat qilgani haqidagi audio tarqalgan edi.
Izoh (0)