Андижон вилояти ҳокими Шуҳратбек Абдураҳмонов спортчи Русланбек Нуриддиновнинг 2 февраль, якшанба куни, бўлиб ўтган никоҳ тўйида қатнашиб, икки ёшга бахт тилаган.
https://youtu.be/5i6xDGKfVvA?t=84
Ҳоким Абдураҳмонов табрик сўзида келинни ўз қизидек кўришини ва унинг қариндошлари энг яқин инсонлари эканлигини таъкидлаб ўтган.
«Аввало Андижонда менга ёт одам йўқ. Мен буни интернетга ҳам чиқиб айтаман, телевидениеда ҳам айтаман. Билмадим, интернетда ҳам «звезда» бўлсам керак. Андижон қизларининг ҳаммаси — ўзимнинг қизларим. Бирорта бегона одам келиб, буларни хафа қиладиган бўлса, жонини оламан, дейман».Эслатиб ўтамиз, 2019 йилнинг июль ойида ўтган видеоселектор йиғилишида Президент Шавкат Мирзиёев Андижон вилояти ҳокими Шуҳратбек Абдураҳмонов билан боғлиқ хабарларни кузатганини, Андижон вилоятида ижтимоий соҳада амалга оширилаётган ишлардан кўнгли тўлмаётганини айтиб ўтган.Шуҳратбек Абдураҳмонов, Андижон вилояти ҳокими, сенатор
«Сени ҳурмат қиламан. Лекин интернетдаги гаплар дилимни оғритди. Оғир-босиқ бўл. Садоқат бошқа, амал бошқа», — деган Президент.
Ўз навбатида, ҳоким йўл қўйган хатоларини тушуниб етганини айтиб, бу ҳолат учун узр сўраган ва бундай ҳолат бошқа такрорланмаслигига ваъда берган.
Маълумот учун, 2019 йилнинг июнь ойида Шуҳратбек Абдураҳмонов вилоят ҳокимлигида ўтказилган йиғилишда бошқа мансабдорларни (хусусан, соғлиқни сақлаш вазири Алишер Шодмоновни) қўпол сўзлар билан ҳақорат қилгани ҳақидаги аудио тарқалган эди.
Изоҳ (0)