Ayni paytda rasmiy tashrif bilan Toshkentda bo‘lib turgan AQSh davlat kotibi Maykl Pompeo 2-fevral kuni Toshkent shahri bosh imom xatibi Nuriddin Xoliqnazarov va boshqa diniy faollar bilan uchrashdi. Bu haqda Pompeo Twitter’dagi sahifasida ma’lum qildi.
“O‘zbekistonda diniy rahbarlar bilan islohotlar va qonunchilikdagi o‘zgarishlar diniy erkinlikka qanday hissa qo‘shishi mumkinligi haqida suhbatlashdik. Hukumat tomonidan ushbu sohada erishilgan yutuqlar menda katta taassurot qoldirdi va O‘zbekistonning keyingi muvaffaqiyatlarini sabrsizlik bilan kutaman”, — deb yozdi Pompeo.
Met with religious leaders in #Uzbekistan on how reforms and legal revisions can promote greater #religiousfreedom. The government's progress in this area has been impressive, and I look forward to seeing Uzbekistan make further advances. pic.twitter.com/RXUPa5VXTI
— Secretary Pompeo (@SecPompeo) February 3, 2020
AQSh Davlat departamenti delegatsiyasi Prezident Shavkat Mirziyoyev tomonidan qabul qilinishi kutilmoqda.
O‘zbekiston Tashqi ishlar vazirligida ikki tomonlama muzokaralar o‘tkazish ko‘zda tutilgan.
Shuningdek, AQSh Davlat kotibi Toshkent shahrida o‘tkaziladigan “Markaziy Osiyo—AQSh” (“C5+1”) shaklidagi vazirlar uchrashuvida ishtirok etadi.
Izoh (0)