“O‘zsanoatqurilishmateriallari” uyushmasi tadbirkorlar va investorlarga import o‘rnini bosuvchi va eksportbop qurilish materiallarini ishlab chiqarish loyihalarini amalga oshirishni taklif etadi.
Loyihalar nomi:
- Olovbardosh g‘isht ishlab chiqarish;
- Olovbardosh sement va qorishmalar ishlab chiqarish;
- G‘o‘zapoya, qamish, somon va boshqa o‘simlik poyalaridan yog‘och-qirindili plitalar (DSP) ishlab chiqarish;
- Gulqog‘oz ishlab chiqarish;
- Lok-bo‘yoq mahsulotlari ishlab chiqarish;
- Mikrokalsit ishlab chiqarish;
- Tabiiy pardozbop toshlarni qazib olish va qayta ishlash (bloklar, plitalar);
- Sun’iy pardozbop plitalar ishlab chiqarish;
- Polivinilxloriddan (PVX) quvurlar, fitinglar, panellar va pol qoplamalari ishlab chiqarish;
- Keramik qurilish materiallari: keramogranit, keramik plita vafrizlar ishlab chiqarish;
- Shisha tolasi ishlab chiqarish;
- Bazalt va shisha tolasidan issiqlik saqlovchi mineral momiq va plitalar ishlab chiqarish;
- Kesuvchi (abraziv) disklar ishlab chiqarish;
- Linoleum ishlab chiqarish;
- Smesitellar ishlab chiqarish;
- Tabiiy toshdan qog‘oz ishlab chiqarish;
- Parket va laminat ishlab chiqarish;
- Tomyopqich materiallar, shu jumladan asbestsiz shifer ishlab chiqarish;
- Serobeton ishlab chiqarish;
- Vermikulit ishlab chiqarish;
- Gidroizolyatsiya yelimlari (mastika) ishlab chiqarish;
- Montaj ko‘piklari (penalari) ishlab chiqarish;
Loyihalarni moliyalashtirishda bir qator imtiyozlar berilgan. Jumladan:
O‘zbekiston Respublikasi Prezidentining 2019-yil 23-maydagi PQ-4335-son “Qurilish materiallari sanoatini jadal rivojlantirishga oid qo‘shimcha chora-tadbirlar to‘g‘risida”gi qaroriga muvofiq Tadbirkorlik faoliyatini rivojlantirishni qo‘llab-quvvatlash davlat jamg‘armasi tomonidan:
- kredit summasidan qat’iy nazar qurilish materiallari sanoati sohasida investitsiya loyihalarini amalga oshirish uchun 2022-yil 1-iyulga qadar jalb qilinadigan tijorat banklarining milliy valyutadagi kreditlari bo‘yicha foiz xarajatlari O‘zbekiston Respublikasi Markaziy bankining qayta moliyalashtirish stavkasidan oshgan miqdorida, biroq 10 foizlik banddan oshmagan miqdorda;
- xorijiy valyutadagi kreditlari bo‘yicha foiz xarajatlari tijorat banklari tomonidan belgilangan stavkaning 40 foizi miqdorida, biroq 4 foizlik banddan oshmagan miqdorda qoplab beriladi.
Misol uchun,
* Izoh: O‘zbekiston Respublikasi Vazirlar Mahkamasining 2020-yil 16-yanvardagi 28-son qaroriga asosan milliy valyutada qayta moliyalashtirish stavkasining (bugungi kunda 16 foiz) 1,5 barobaridan oshmaydigan (24) foiz stavkasida kreditlar ajratadigan tijorat banklari Tadbirkorlik faoliyatini rivojlantirishni qo‘llab-quvvatlash davlat jamg‘armasi kompensatsiyalarini oluvchilar hisoblanadilar.
Agar ushbu loyihalar tashabbuskorlarida kredit uchun garov ta’minotida yetishmovchilik bo‘lsa, ular yuqorida ko‘rsatilgan kredit foizini qoplab berish bo‘yicha imtiyozning o‘rniga tijorat banklarining kreditlari bo‘yicha kredit summasining 50 foizigacha, biroq 8 mlrd so‘mdan oshmagan miqdorda Tadbirkorlik faoliyatini rivojlantirishni qo‘llab-quvvatlash davlat jamg‘armasining kafilligini olishlari mumkin.
Marmar va granit toshlarni qazib olish va qayta ishlashni rivojlantirish
O‘zbekiston Respublikasi Vazirlar Mahkamasining 2019-yil 22-iyuldagi “2019—2021-yillarda Navoiy viloyatining G‘ozg‘on shahrini kompleks rivojlantirish chora-tadbirlari to‘g‘risida” 611-son qarorida marmar va granit toshlarni qazib olish va qayta ishlash loyihalarini amalga oshirish uchun Tashqi iqtisodiy faoliyat Milliy bankining 200,0 mln AQSh dollari miqdoridagi uzoq muddatli imtiyozli kreditlari berilishi belgilangan.
Bunda, TIF Milliy bankining kreditlarini:
— zamonaviy asbob-uskunalar, texnika, texnologiyalar, transport vositalari, qurilish materiallarini sotib olish hamda qurilish va rekonstruksiya ishlarini amalga oshirish uchun loyiha qiymatining 70 foizidan oshmagan miqdorda;
— foiz stavkasi milliy valyutadagi kreditlar uchun — O‘zbekiston Respublikasi Markaziy bankining qayta moliyalash stavkasidan oshmagan miqdorda, xorijiy valyutadagi kreditlar uchun - jalb qilingan xalqaro moliya institutlari va xorijiy banklarning shartlari hamda TIF Milliy bankining 0,5 foizga teng marjasi qo‘shilgan miqdorda muddati 7 yilgacha ajratish nazarda tutilgan.
Shuningdek, uyushma har bir viloyat markazlarida pardozbop toshlarni kesish va qayta ishlash markazlarini tashkil etish uchun salohiyatli tadbirkorlarni hamkorlikka chaqiradi hamda ushbu markazlarni tashkil etishda mahalliy hokimliklar bilan birgalikda tegishli amaliy yordam ko‘rsatiladi.
Keramik mahsulotlarni ishlab chiqarishni rivojlantirish
Respublikada umumiy qiymati 150 mln dollar bo‘lgan keramik qurilish materiallarini ishlab chiqarish loyihalarining amalga oshirilishi belgilangan bo‘lib, bunda moliyalashtiruvchi bank sifatida “Ipoteka” bank ATB nazarda tutilgan.
Bunda, keramik qurilish materiallarini, jumladan keramogranit, keramik plita va frizlar hamda ularning xomashyolarini klaster usulida ishlab chiqarish ko‘zda tutilgan.
“O‘zsanoatqurilishmateriallari” uyushmasi loyiha tashabbuskorlariga ko‘makchi bo‘lib, loyihalarni amalga oshirishda yaqindan amaliy yordam beradi va uyushmaga a’zo korxonalarga quyidagi xizmatlarni ko‘rsatadi:
- loyihalarni amalga oshirish uchun zarur bo‘lgan axborot bilan ta’minlash hamda loyihalarning moliyalashtirilishi, ishga tushirilishi va yetarli quvvatda ishlashini doimiy ravishda monitoring qilib borish;
- ishlab chiqarilayotgan mahsulotlarni ichki va tashqi bozorlarda sotish maqsadida respublikada va xorijda qurilish materiallarini namoyish etish uchun ko‘rgazmalar tashkil etish;
- transport xarajatlarini belgilash va qulay yo‘nalishlar bo‘yicha tavsiyalar berish;
- davlat tomonidan berilgan imtiyozlardan xabardor etib borish, ulardan foydalanish masalasida amaliy yordam ko‘rsatish;
- yuzaga kelgan muammoli holatlarni bartaraf etish yuzasidan takliflar ishlab chiqish hamda zarur hollarda hukumat qarorlari loyihalarini tayyorlash va belgilangan tartibda hukumatga kiritib borish;
- xorijiy mutaxassislarning va hamkorlarning respublikamizda bo‘lishlari uchun viza olish masalasida ko‘maklashish;
- korxona xodimlarini tayyorlash va qayta tayyorlash uchun oliy o‘quv muassasalariga tavsiyanomalar berish;
- tadbirkorlarning buyurtmalariga ko‘ra, mavjud noruda qazilma boyliklari to‘g‘risida axborot berish;
- geologiya-qidiruv ishlariga hamda sanoat usulida foydalanishga litsenziya olish uchun me’yoriy-texnik hujjatlar to‘plamini tayyorlash, istiqbolli maydonlarda geologiya-qidiruv ishlarini olib borish;
- loyihalarning smeta hujjatlarini ishlab chiqish, texnik-iqtisodiy asoslanmalarni tayyorlash bo‘yicha xizmatlar ko‘rsatish va ko‘maklashish.
Sizda qayd etib o‘tilgan qurilish materiallarini ishlab chiqarishni tashkil etish bo‘yicha aniq reja va takliflaringiz bo‘lsa, Bizga murojaat qiling!
“O‘zsanoatqurilishmateriallari” uyushmasining telefon raqamlari:
+998 71 252 20 82; +998 97 444 27 72; +998 71 254 56 11 (investitsiya loyihalari bo‘yicha);
+998 71 281 46 59 (eksport va import masalalari bo‘yicha);
+998 71 254 92 00, +998 71 254 92 01 (loyihaviy-smeta hujjatlari, texnik-iqtisodiy asoslanmalar ishlab chiqish masalalari bo‘yicha);
+998 71 255 52 91, +998 71 255 55 96 (ishlab chiqarish masalalari bo‘yicha);
+998 71 255 55 92 (noruda konlaridan foydalanish masalalari bo‘yicha).
Manzil:
Toshkent shahri, Tafakkur ko‘chasi, 68 a-uy.
Elektron pochta: info@uzsm.uz, rasmiy veb-sayt: www.uzsm.uz
“O‘zsanoatqurilishmateriallari” uyushmasi sizning doimiy va ishonchli hamkoringizdir!
Reklama huquqi asosida.
Izoh (0)