«Ўзсаноатқурилишматериаллари» уюшмаси тадбиркорлар ва инвесторларга импорт ўрнини босувчи ва экспортбоп қурилиш материалларини ишлаб чиқариш лойиҳаларини амалга оширишни таклиф этади.
Лойиҳалар номи:
- Оловбардош ғишт ишлаб чиқариш;
- Оловбардош цемент ва қоришмалар ишлаб чиқариш;
- Ғўзапоя, қамиш, сомон ва бошқа ўсимлик пояларидан ёғоч-қириндили плиталар (ДСП) ишлаб чиқариш;
- Гулқоғоз ишлаб чиқариш;
- Лок-бўёқ маҳсулотлари ишлаб чиқариш;
- Микрокалсит ишлаб чиқариш;
- Табиий пардозбоп тошларни қазиб олиш ва қайта ишлаш (блоклар, плиталар);
- Сунъий пардозбоп плиталар ишлаб чиқариш;
- Поливинилхлориддан (ПВХ) қувурлар, фитинглар, панеллар ва пол қопламалари ишлаб чиқариш;
- Керамик қурилиш материаллари: керамогранит, керамик плита вафризлар ишлаб чиқариш;
- Шиша толаси ишлаб чиқариш;
- Базалт ва шиша толасидан иссиқлик сақловчи минерал момиқ ва плиталар ишлаб чиқариш;
- Кесувчи (абразив) дисклар ишлаб чиқариш;
- Линолеум ишлаб чиқариш;
- Смесителлар ишлаб чиқариш;
- Табиий тошдан қоғоз ишлаб чиқариш;
- Паркет ва ламинат ишлаб чиқариш;
- Томёпқич материаллар, шу жумладан асбестсиз шифер ишлаб чиқариш;
- Серобетон ишлаб чиқариш;
- Вермикулит ишлаб чиқариш;
- Гидроизоляция елимлари (мастика) ишлаб чиқариш;
- Монтаж кўпиклари (пеналари) ишлаб чиқариш;
Лойиҳаларни молиялаштиришда бир қатор имтиёзлар берилган. Жумладан:
Ўзбекистон Республикаси Президентининг 2019 йил 23 майдаги ПҚ-4335-сон «Қурилиш материаллари саноатини жадал ривожлантиришга оид қўшимча чора-тадбирлар тўғрисида»ги қарорига мувофиқ Тадбиркорлик фаолиятини ривожлантиришни қўллаб-қувватлаш давлат жамғармаси томонидан:
- кредит суммасидан қатъий назар қурилиш материаллари саноати соҳасида инвестиция лойиҳаларини амалга ошириш учун 2022 йил 1 июлга қадар жалб қилинадиган тижорат банкларининг миллий валютадаги кредитлари бўйича фоиз харажатлари Ўзбекистон Республикаси Марказий банкининг қайта молиялаштириш ставкасидан ошган миқдорида, бироқ 10 фоизлик банддан ошмаган миқдорда;
- хорижий валютадаги кредитлари бўйича фоиз харажатлари тижорат банклари томонидан белгиланган ставканинг 40 фоизи миқдорида, бироқ 4 фоизлик банддан ошмаган миқдорда қоплаб берилади.
Мисол учун,
* Изоҳ: Ўзбекистон Республикаси Вазирлар Маҳкамасининг 2020 йил 16 январдаги 28-сон қарорига асосан миллий валютада қайта молиялаштириш ставкасининг (бугунги кунда 16 фоиз) 1,5 баробаридан ошмайдиган (24) фоиз ставкасида кредитлар ажратадиган тижорат банклари Тадбиркорлик фаолиятини ривожлантиришни қўллаб-қувватлаш давлат жамғармаси компенсацияларини олувчилар ҳисобланадилар.
Агар ушбу лойиҳалар ташаббускорларида кредит учун гаров таъминотида етишмовчилик бўлса, улар юқорида кўрсатилган кредит фоизини қоплаб бериш бўйича имтиёзнинг ўрнига тижорат банкларининг кредитлари бўйича кредит суммасининг 50 фоизигача, бироқ 8 млрд сўмдан ошмаган миқдорда Тадбиркорлик фаолиятини ривожлантиришни қўллаб-қувватлаш давлат жамғармасининг кафиллигини олишлари мумкин.
Мармар ва гранит тошларни қазиб олиш ва қайта ишлашни ривожлантириш
Ўзбекистон Республикаси Вазирлар Маҳкамасининг 2019 йил 22 июлдаги «2019—2021 йилларда Навоий вилоятининг Ғозғон шаҳрини комплекс ривожлантириш чора-тадбирлари тўғрисида» 611-сон қарорида мармар ва гранит тошларни қазиб олиш ва қайта ишлаш лойиҳаларини амалга ошириш учун Ташқи иқтисодий фаолият Миллий банкининг 200,0 млн АҚШ доллари миқдоридаги узоқ муддатли имтиёзли кредитлари берилиши белгиланган.
Бунда, ТИФ Миллий банкининг кредитларини:
— замонавий асбоб-ускуналар, техника, технологиялар, транспорт воситалари, қурилиш материалларини сотиб олиш ҳамда қурилиш ва реконструкция ишларини амалга ошириш учун лойиҳа қийматининг 70 фоизидан ошмаган миқдорда;
— фоиз ставкаси миллий валютадаги кредитлар учун — Ўзбекистон Республикаси Марказий банкининг қайта молиялаш ставкасидан ошмаган миқдорда, хорижий валютадаги кредитлар учун - жалб қилинган халқаро молия институтлари ва хорижий банкларнинг шартлари ҳамда ТИФ Миллий банкининг 0,5 фоизга тенг маржаси қўшилган миқдорда муддати 7 йилгача ажратиш назарда тутилган.
Шунингдек, уюшма ҳар бир вилоят марказларида пардозбоп тошларни кесиш ва қайта ишлаш марказларини ташкил этиш учун салоҳиятли тадбиркорларни ҳамкорликка чақиради ҳамда ушбу марказларни ташкил этишда маҳаллий ҳокимликлар билан биргаликда тегишли амалий ёрдам кўрсатилади.
Керамик маҳсулотларни ишлаб чиқаришни ривожлантириш
Республикада умумий қиймати 150 млн доллар бўлган керамик қурилиш материалларини ишлаб чиқариш лойиҳаларининг амалга оширилиши белгиланган бўлиб, бунда молиялаштирувчи банк сифатида «Ипотека» банк АТБ назарда тутилган.
Бунда, керамик қурилиш материалларини, жумладан керамогранит, керамик плита ва фризлар ҳамда уларнинг хом ашёларини кластер усулида ишлаб чиқариш кўзда тутилган.
«Ўзсаноатқурилишматериаллари» уюшмаси лойиҳа ташаббускорларига кўмакчи бўлиб, лойиҳаларни амалга оширишда яқиндан амалий ёрдам беради ва уюшмага аъзо корхоналарга қуйидаги хизматларни кўрсатади:
- лойиҳаларни амалга ошириш учун зарур бўлган ахборот билан таъминлаш ҳамда лойиҳаларнинг молиялаштирилиши, ишга туширилиши ва етарли қувватда ишлашини доимий равишда мониторинг қилиб бориш;
- ишлаб чиқарилаётган маҳсулотларни ички ва ташқи бозорларда сотиш мақсадида республикада ва хорижда қурилиш материалларини намойиш этиш учун кўргазмалар ташкил этиш;
- транспорт харажатларини белгилаш ва қулай йўналишлар бўйича тавсиялар бериш;
- давлат томонидан берилган имтиёзлардан хабардор этиб бориш, улардан фойдаланиш масаласида амалий ёрдам кўрсатиш;
- юзага келган муаммоли ҳолатларни бартараф этиш юзасидан таклифлар ишлаб чиқиш ҳамда зарур ҳолларда ҳукумат қарорлари лойиҳаларини тайёрлаш ва белгиланган тартибда ҳукуматга киритиб бориш;
- хорижий мутахассисларнинг ва ҳамкорларнинг республикамизда бўлишлари учун виза олиш масаласида кўмаклашиш;
- корхона ходимларини тайёрлаш ва қайта тайёрлаш учун олий ўқув муассасаларига тавсияномалар бериш;
- тадбиркорларнинг буюртмаларига кўра, мавжуд норуда қазилма бойликлари тўғрисида ахборот бериш;
- геология-қидирув ишларига ҳамда саноат усулида фойдаланишга лицензия олиш учун меъёрий-техник ҳужжатлар тўпламини тайёрлаш, истиқболли майдонларда геология-қидирув ишларини олиб бориш;
- лойиҳаларнинг смета ҳужжатларини ишлаб чиқиш, техник-иқтисодий асосланмаларни тайёрлаш бўйича хизматлар кўрсатиш ва кўмаклашиш.
Сизда қайд этиб ўтилган қурилиш материалларини ишлаб чиқаришни ташкил этиш бўйича аниқ режа ва таклифларингиз бўлса, Бизга мурожаат қилинг!
«Ўзсаноатқурилишматериаллари» уюшмасининг телефон рақамлари:
+998 71 252 20 82; +998 97 444 27 72; +998 71 254 56 11 (инвестиция лойиҳалари бўйича);
+998 71 281 46 59 (экспорт ва импорт масалалари бўйича);
+998 71 254 92 00, +998 71 254 92 01 (лойиҳавий-смета ҳужжатлари, техник-иқтисодий асосланмалар ишлаб чиқиш масалалари бўйича);
+998 71 255 52 91, +998 71 255 55 96 (ишлаб чиқариш масалалари бўйича);
+998 71 255 55 92 (норуда конларидан фойдаланиш масалалари бўйича).
Манзил:
Тошкент шаҳри, Тафаккур кўчаси, 68 а-уй.
Электрон почта: info@uzsm.uz, расмий веб-сайт: www.uzsm.uz
«Ўзсаноатқурилишматериаллари» уюшмаси сизнинг доимий ва ишончли ҳамкорингиздир!
Реклама ҳуқуқи асосида.
Изоҳ (0)