Turkmaniston hukumati yig‘ilishida bosh vazir o‘rinbosari Chorimurod Purchekov prezident Gurbanguli Berdimuhamedovga Energetika vazirligi tomonidan qayta tiklanuvchi energiya manbalaridan foydalanish bo‘yicha olib borilayotgan ishlar haqida hisobot berdi. Bu haqda “Xronika Turkmenistana” ma’lum qildi.
Mansabdorga ko‘ra, Energetika instituti qoshidagi ilmiy-ishlab chiqarish markazida Turkmanistonning Oltin asr ko‘li hududida quyosh va shamol energiyasidan foydalanish masalalari bo‘yicha o‘rganishlar olib borilmoqda.
Gurbanguli Berdimuhamedov Turkmaniston tabiati va iqlim sharoitlari qayta tiklanuvchi energiya manbalarini keng qo‘llash uchun juda mos kelishini ta’kidladi.
“Mahalliy mutaxassislarda zamonaviy energiya qurilmalarini joriy etishda katta tajriba mavjud. Mazkur loyihani amalga oshirish uzoq aholi punktlarini elektr bilan uzluksiz ta’minlash imkonini beradi”, — dedi Turkmaniston prezidenti.
Izoh (0)