Туркманистон ҳукумати йиғилишида бош вазир ўринбосари Чоримурод Пурчеков президент Гурбангули Бердимуҳамедовга Энергетика вазирлиги томонидан қайта тикланувчи энергия манбаларидан фойдаланиш бўйича олиб борилаётган ишлар ҳақида ҳисобот берди. Бу ҳақда «Хроника Туркменистана» маълум қилди.
Мансабдорга кўра, Энергетика институти қошидаги илмий-ишлаб чиқариш марказида Туркманистоннинг Олтин аср кўли ҳудудида қуёш ва шамол энергиясидан фойдаланиш масалалари бўйича ўрганишлар олиб борилмоқда.
Гурбангули Бердимуҳамедов Туркманистон табиати ва иқлим шароитлари қайта тикланувчи энергия манбаларини кенг қўллаш учун жуда мос келишини таъкидлади.
«Маҳаллий мутахассисларда замонавий энергия қурилмаларини жорий этишда катта тажриба мавжуд. Мазкур лойиҳани амалга ошириш узоқ аҳоли пунктларини электр билан узлуксиз таъминлаш имконини беради», — деди Туркманистон президенти.
Изоҳ (0)