Andijonda yoshlar 10 kun davomida shaharlar va tumanlar hokimlari, hokim o‘rinbosarlari lavozimlarini egallaydi. Bu haqda Andijon viloyati hokimi Shuhrat Abdurahmonov raisligida 27-yanvar, dushanba kuni o‘tkazilgan selektor yig‘ilishida ma’lum qilindi, deb yozadi “Gazeta.uz”.
Majlisda Prezidentning parlamentga Murojaatnomasida tilga olingan masalalar, jumladan, yoshlar bilan ishlash masalasi muhokama qilindi. “Andijonda yoshlar o‘n kunligi” loyihasi doirasida yoshlar 10 kunga rahbarlik lavozimlariga tayinlanadi.
Bundan tashqari, rahbarlik salohiyatiga ega yoshlar tuman, shahar va viloyat kengashlari deputatlariga biriktirildi.
Vaqtincha tayinlangan rahbarlar dastlabki ish rejasi hamda xizmat avtomobillariga ega bo‘ldi.
10 kun natijalariga ko‘ra, yoshlarning rahbarlik lavozimlaridagi faoliyati yuzasidan hisobot tayyorlanadi.
Qayd etilishicha, kelgusida yoshlar vakillarini mahalla raislari, korxonalar, tashkilotlar, boshqarmalar, huquqni muhofaza qilish organlari rahbarlari va hatto Andijon viloyati hokimi vazifasini vaqtincha bajaruvchi etib tayinlash rejalashtirilmoqda.
Yosh rahbarlarning eng kattasi — 29 yoshda, eng kichigi esa — 20 yoshda.
Andijon viloyati hokimi o‘rinbosarlari
Bunyodbek To‘xtasinov (1995-yilda tug‘ilgan) — viloyat hokimining iqtisodiyot va tadbirkorlik masalalari bo‘yicha birinchi o‘rinbosari, “Yoshlar — kelajagimiz” jamg‘armasining Andijon shahar filiali rahbari.
Shohrux Abduraimov (1995) — viloyat hokimining qishloq va suv xo‘jaligi masalalari bo‘yicha birinchi o‘rinbosari, Toshkent davlat agrar universiteti Andijon filiali talabasi.
Shohruxbek Sobirjonov (1996) — viloyat hokimining arxitektura, kapital qurilish va kommunikatsiyalarni rivojlantirish masalalari bo‘yicha birinchi o‘rinbosari , Andijon davlat universiteti talabasi, “Xon” kompaniyasida boshqaruvchi.
Abdulaziz Yoqubov (1995) — viloyat hokimining investitsiyalar va tashqi savdo masalalari bo‘yicha o‘rinbosari, “Robototexnika akademiyasi” innovatsiya va robototexnika markazi rahbari.
Boburbek Abdulazizxojiyev (1991) — viloyat hokimining jamoat va diniy tashkilotlar bilan aloqalar bo‘yicha o‘rinbosari, Andijon davlat tibbiyot institutida “Terapiya” yo‘nalishi bo‘yicha magistrant.
Umarxo‘ja Madaminov (1994) — viloyat hokimining yoshlar siyosati, ijtimoiy taraqqiyot va ma’naviy-ma’rifiy ishlar bo‘yicha o‘rinbosari, Toshkent davlat agrar universitetining Andijon filiali talabasi.
Nigora Abdumo‘minova (1994) — Andijon viloyati hokimining xotin-qizlar masalalari bo‘yicha o‘rinbosari, Andijon mashinasozlik instituti talabasi.
Tuman va shaharlar hokimlari
Habibulloxon Soliyev (1996) — Andijon hokimi vazifasini vaqtincha bajaruvchi, Toshkent davlat agrar universitetining Andijon filiali talabasi.
Ulug‘bek Qobiljonov (1999) — Xonobod shahri hokimi vazifasini vaqtincha bajaruvchi, Andijon davlat universiteti talabasi.
Omadbek Olimov (1995) — Andijon tumani hokimi vazifasini vaqtincha bajaruvchi, Andijon davlat universiteti magistranti.
Humoyun Qo‘chqorov (1994) — Asaka tumani hokimi vazifasini vaqtincha bajaruvchi, Andijon davlat tibbiyot instituti talabasi.
Shahrizod Musaboyev (1997) — Baliqchi tumani hokimi vazifasini vaqtincha bajaruvchi, Andijon mashinasozlik instituti talabasi, “Oltin yer himoya” AJ boshqaruvi raisi, “Mard o‘g‘lon” davlat mukofoti sovrindori.
Olimbek Tursunov (1996) — Buloqboshi tumani hokimi vazifasini vaqtincha bajaruvchi, Andijon davlat universiteti talabasi.
Doston Qodirov (1995) — Bo‘ston tumani hokimi vazifasini vaqtincha bajaruvchi, Andijon davlat universiteti talabasi.
Ilyosmirzo Ziyayev (1994) — Jalolquduq tumani hokimi vazifasini vaqtincha bajaruvchi, Andijon davlat tibbiyot instituti talabasi.
Islombek Sharipov (1998) — Izboskan tumani hokimi vazifasini vaqtincha bajaruvchi, Andijon davlat universiteti talabasi .
Abdurauf Abdurashidov (1997) — Marhamat tumani hokimi vazifasini vaqtincha bajaruvchi, Andijon davlat tibbiyot instituti talabasi.
Nurqadam O‘ktamjonov (1998) — Oltinko‘l tumani hokimi vazifasini vaqtincha bajaruvchi, Toshkent davlat agrar universiteti Andijon filiali talabasi.
Furqatbek Nodirbekov (1995) — Paxtaobod tumani hokimi vazifasini vaqtincha bajaruvchi, Andijon davlat universiteti talabasi.
Shohrux Sapioxunov (1993) — Ulug‘nor tumani hokimi vazifasini vaqtincha bajaruvchi, Andijon davlat tibbiyot instituti talabasi.
To‘lqinbek Ahmadjonov (1995) — Xo‘jaobod tumani hokimi vazifasini vaqtincha bajaruvchi, Andijon davlat universiteti talabasi.
Abdulhamid Akbarov (1997) — Shahrixon tumani hokimi vazifasini vaqtincha bajaruvchi, Andijon mashinasozlik instituti talabasi.
Izzatbek Turg‘unov (1997) — Qo‘rg‘ontepa tumani hokimi vazifasini vaqtincha bajaruvchi, Toshkent davlat agrar universiteti Andijon filiali talabasi.
Izoh (0)