Андижонда ёшлар 10 кун давомида шаҳарлар ва туманлар ҳокимлари, ҳоким ўринбосарлари лавозимларини эгаллайди. Бу ҳақда Андижон вилояти ҳокими Шуҳрат Абдураҳмонов раислигида 27 январь, душанба куни ўтказилган селектор йиғилишида маълум қилинди, деб ёзади «Gazeta.uz».
Мажлисда Президентнинг парламентга Мурожаатномасида тилга олинган масалалар, жумладан, ёшлар билан ишлаш масаласи муҳокама қилинди. «Андижонда ёшлар ўн кунлиги» лойиҳаси доирасида ёшлар 10 кунга раҳбарлик лавозимларига тайинланади.
Бундан ташқари, раҳбарлик салоҳиятига эга ёшлар туман, шаҳар ва вилоят кенгашлари депутатларига бириктирилди.
Вақтинча тайинланган раҳбарлар дастлабки иш режаси ҳамда хизмат автомобилларига эга бўлди.
10 кун натижаларига кўра, ёшларнинг раҳбарлик лавозимларидаги фаолияти юзасидан ҳисобот тайёрланади.
Қайд этилишича, келгусида ёшлар вакилларини маҳалла раислари, корхоналар, ташкилотлар, бошқармалар, ҳуқуқни муҳофаза қилиш органлари раҳбарлари ва ҳатто Андижон вилояти ҳокими вазифасини вақтинча бажарувчи этиб тайинлаш режалаштирилмоқда.
Ёш раҳбарларнинг энг каттаси — 29 ёшда, энг кичиги эса — 20 ёшда.
Андижон вилояти ҳокими ўринбосарлари
Бунёдбек Тўхтасинов (1995 йилда туғилган) — вилоят ҳокимининг иқтисодиёт ва тадбиркорлик масалалари бўйича биринчи ўринбосари, «Ёшлар — келажагимиз» жамғармасининг Андижон шаҳар филиали раҳбари.
Шоҳрух Абдураимов (1995) — вилоят ҳокимининг қишлоқ ва сув хўжалиги масалалари бўйича биринчи ўринбосари, Тошкент давлат аграр университети Андижон филиали талабаси.
Шоҳрухбек Собиржонов (1996) — вилоят ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари , Андижон давлат университети талабаси, «Хон» компаниясида бошқарувчи.
Абдулазиз Ёқубов (1995) — вилоят ҳокимининг инвестициялар ва ташқи савдо масалалари бўйича ўринбосари, «Робототехника академияси» инновация ва робототехника маркази раҳбари.
Бобурбек Абдулазизхожиев (1991) — вилоят ҳокимининг жамоат ва диний ташкилотлар билан алоқалар бўйича ўринбосари, Андижон давлат тиббиёт институтида «Терапия» йўналиши бўйича магистрант.
Умархўжа Мадаминов (1994) — вилоят ҳокимининг ёшлар сиёсати, ижтимоий тараққиёт ва маънавий-маърифий ишлар бўйича ўринбосари, Тошкент давлат аграр университетининг Андижон филиали талабаси.
Нигора Абдумўминова (1994) — Андижон вилояти ҳокимининг хотин-қизлар масалалари бўйича ўринбосари, Андижон машинасозлик институти талабаси.
Туман ва шаҳарлар ҳокимлари
Ҳабибуллохон Солиев (1996) — Андижон ҳокими вазифасини вақтинча бажарувчи, Тошкент давлат аграр университетининг Андижон филиали талабаси.
Улуғбек Қобилжонов (1999) — Хонобод шаҳри ҳокими вазифасини вақтинча бажарувчи, Андижон давлат университети талабаси.
Омадбек Олимов (1995) — Андижон тумани ҳокими вазифасини вақтинча бажарувчи, Андижон давлат университети магистранти.
Ҳумоюн Қўчқоров (1994) — Асака тумани ҳокими вазифасини вақтинча бажарувчи, Андижон давлат тиббиёт институти талабаси.
Шаҳризод Мусабоев (1997) — Балиқчи тумани ҳокими вазифасини вақтинча бажарувчи, Андижон машинасозлик институти талабаси, «Олтин ер ҳимоя» АЖ бошқаруви раиси, «Мард ўғлон» давлат мукофоти совриндори.
Олимбек Турсунов (1996) — Булоқбоши тумани ҳокими вазифасини вақтинча бажарувчи, Андижон давлат университети талабаси.
Достон Қодиров (1995) — Бўстон тумани ҳокими вазифасини вақтинча бажарувчи, Андижон давлат университети талабаси.
Илёсмирзо Зияев (1994) — Жалолқудуқ тумани ҳокими вазифасини вақтинча бажарувчи, Андижон давлат тиббиёт институти талабаси.
Исломбек Шарипов (1998) — Избоскан тумани ҳокими вазифасини вақтинча бажарувчи, Андижон давлат университети талабаси .
Абдурауф Абдурашидов (1997) — Марҳамат тумани ҳокими вазифасини вақтинча бажарувчи, Андижон давлат тиббиёт институти талабаси.
Нурқадам Ўктамжонов (1998) — Олтинкўл тумани ҳокими вазифасини вақтинча бажарувчи, Тошкент давлат аграр университети Андижон филиали талабаси.
Фурқатбек Нодирбеков (1995) — Пахтаобод тумани ҳокими вазифасини вақтинча бажарувчи, Андижон давлат университети талабаси.
Шоҳрух Сапиохунов (1993) — Улуғнор тумани ҳокими вазифасини вақтинча бажарувчи, Андижон давлат тиббиёт институти талабаси.
Тўлқинбек Аҳмаджонов (1995) — Хўжаобод тумани ҳокими вазифасини вақтинча бажарувчи, Андижон давлат университети талабаси.
Абдулҳамид Акбаров (1997) — Шаҳрихон тумани ҳокими вазифасини вақтинча бажарувчи, Андижон машинасозлик институти талабаси.
Иззатбек Турғунов (1997) — Қўрғонтепа тумани ҳокими вазифасини вақтинча бажарувчи, Тошкент давлат аграр университети Андижон филиали талабаси.
Изоҳ (0)