ИИВ ахборот хизмати «Ҳозиргина Назарбек томонда поездда ёнғин чиқди» мазмунидаги изоҳ билан тарқалган видео юзасидан суриштирув ишлари бошланганини маълум қилди.
Хабарда жумладан шундай дейилади: «Дастлабки маълумотларга кўра, бугун соат 14:30 ларда «Назарбек» темир йўл бекатида вагонларни белгиланган жойга тақсимлаётган машинист Райҳонов Руслан бошқарувидаги 2157-сонли электровознинг иккинчи кабинасида ёнғин чиққан». Ёнғин соат 15:45 да Ёнғин хавфсизлиги хизмати томонидан ўчирилган ва унинг сабаблари ўрганилмоқда. Ҳодиса юз бериши оқибатида жароҳатланганлар йўқ».
Мавзуга доир: Покистонда поезднинг ёниб кетиши оқибатида ҳалок бўлганлар сони 62 нафарга етди (видео)
Аввал Тошкент вилоятининг Назарбек қишлоғидан ўтувчи темир йўл орқали ҳаракатланаётган поезднинг локомотиви ёнаётгани акс этган видео ижтимоий тармоқларда тарқалган. Ўзбекистон темир йўллари» матбуот хизмати ушбу видеога муносабат билдириб, воқеа 25 январь, шанба куни соат 14:20 атрофида электр-манёвр локомотиви ВЛ-60 2157 нинг иккинчи машинисти кабинасида юз бергани, ёнғиннинг дастлабки сабаби кабинанинг иситиш тизимидаги қисқа туташув экани, оловнинг локомотив машина бўлимининг юқори кучланишли камерасига ўтмагани ва ўт ўчириш бўлинмаларининг тезкор ҳаракатлари натижасида талафот бартараф этилганини хабар қилган.
Изоҳ (0)