O‘zbekiston ichki ishlar vazirligi Yo‘l harakat xavfsizligi boshqarmasi 11—20-yanvar kunlari davomida mamlakat hududida yuz bergan yo‘l transport hodisalari bo‘yicha statistik ma’lumotlarni oshkor etdi. Boshqarma 2020-yil boshidan bu boradagi batafsil statistik ma’lumotlarni e’lon qilishni yo‘lga qo‘ygan, deb yozmoqda “Gazeta.uz”.
Boshqarma ma’lumotlariga ko‘ra 10 kun ichida jami 141 YTH sodir etilgan, ularda 25 nafar odam halok bo‘lgan va 148 nafar aholi vakili turli darajada tan jarohatlari olgan. Birinchi o‘n kunlikda jami 107 ta YTH sodir etilgani, 35 nafar odam halok bo‘lgani va 100 nafar odamning turli jarohatlar olganligi xabar qilingandi.
Piyodalar ishtirokidagi YTHlar soni 52 tani tashkil qilgan va ularning 6 tasi bolalar ishtirokida sodir bo‘lgan. 2 ta holat bo‘yicha haydovchilarning aybdorligi va mast holda avtotransport vositasini boshqargani aniqlangan.
YTHning asosiy sabablari:
- yo‘lovchi piyodani ko‘rmay qolish holati — 23;
- piyodalarning belgilanmagan yerdan qatnov yo‘lini kesib o‘tishi — 21;
- quvib o‘tish qoidalarini buzish — 14;
- belgilangan harakat tezligini me’yordan oshirish — 14;
- noqulay ob-havo sharoiti — 12;
- harakat vaqtida yo‘nalishni keskin o‘zgartirish oqibatida — 12;
- piyodalarning yo‘lni kesib o‘tishi uchun yetarli sharoitning yaratilmagani tufayli — 8;
- harakatlanish vaqtida masofani saqlamaslik — 8;
- qarama-qarshi yo‘nalishda kelayotgan haydovchining ko‘ziga avtomobil farasi yorug‘ligining tushishi va ko‘z qamashishi oqibatida — 7;
- svetoforning taqiqlangan qizil chirog‘ida harakatlanish — 6.
Izoh (0)