12-yanvar kuni Surxondaryo viloyati IIB Terrorizm va ekstremizmga qarshi kurashish boshqarmasi Tog‘li va chegaradosh hududlar tezkor bo‘linmalari faoliyatini muvofiqlashtirish bo‘limi hamda Denov tumani Ichki ishlar organlari faoliyatini muvofiqlashtirish boshqarmasi xodimlari tomonidan tumanning “Bog‘inav” mahallasi hududida tadbir o‘tkazildi. Bu haqda IIV Jamoatchilik bilan aloqalar bo‘limi xabar berdi.
Tadbir davomida shu mahallada yashovchi K.A. mijozga 30 qutida 296 dona “Tramadol” psixotrop moddasini 100 (yuz) AQSh dollari va 1 660 000 (bir million olti yuz oltmish ming) so‘mga sotayotgan vaqtida ushlanib, xolislar ishtirokida tegishli tartibda hujjatlashtirib olingan. K.A.dan olingan “Tramadol” tabletkalari giyohvandlik vositasi ekanligi va sof vazni 14,8 gramni tashkil qilishligi aniqlangan.
18-yanvar kuni K.A.ga nisbatan Jinoyat kodeksining 273-moddasi (Giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) 5-qismi bilan jinoyat ishi qo‘zg‘atilgan.
Izoh (0)