12 январь куни Сурхондарё вилояти ИИБ Терроризм ва экстремизмга қарши курашиш бошқармаси Тоғли ва чегарадош ҳудудлар тезкор бўлинмалари фаолиятини мувофиқлаштириш бўлими ҳамда Денов тумани Ички ишлар органлари фаолиятини мувофиқлаштириш бошқармаси ходимлари томонидан туманнинг «Боғинав» маҳалласи ҳудудида тадбир ўтказилди. Бу ҳақда ИИВ Жамоатчилик билан алоқалар бўлими хабар берди.
Тадбир давомида шу маҳаллада яшовчи К.А. мижозга 30 қутида 296 дона «Трамадол» психотроп моддасини 100 (юз) АҚШ доллари ва 1 660 000 (бир миллион олти юз олтмиш минг) сўмга сотаётган вақтида ушланиб, холислар иштирокида тегишли тартибда ҳужжатлаштириб олинган. К.А.дан олинган «Трамадол» таблеткалари гиёҳвандлик воситаси эканлиги ва соф вазни 14,8 грамни ташкил қилишлиги аниқланган.
18 январь куни К.А.га нисбатан Жиноят кодексининг 273-моддаси (Гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилган.
Изоҳ (0)