Xalq demokratik partiyasi a’zosi Nurdinjon Ismoilov Oliy Majlis Qonunchilik palatasi spikeri etib saylandi. “Deputatlar Nurdinjon Ismoilov nomzodini yoqlab ovoz berdi”, — deya xabar bermoqda Oliy Majlis Qonunchilik palatasining saylovdan keyingi ilk majlisida qatnashayotgan “Daryo” muxbiri Mirolim Isajonov.
O‘z navbatida, Oliy Majlis Qonunchilik palatasi tarixida ilk bor spikerning birinchi o‘rinbosari lavozimi joriy qilinib, unga “Milliy tiklanish” partiyasi a’zosi Akmal Saidov saylandi. Majlisda qatnashayotgan 150 nafar deputatdan 147 nafari salkam 20 yillik deputatlik tajribasiga ega Akmal Saidov nomzodini yoqlab ovoz bergan.
Shuningdek, yashirin ovoz berish yo‘li bilan spikerning yana besh o‘rinbosari ham saylangan. Ushbu lavozimlarni, kutilganidek, Oliy Majlisga saylangan besh partiya yetakchilari — Aktam Hayitov (O‘zLiDep, 149 ta ovoz), Alisher Qodirov (“Milliy tiklanish”, 145 ta ovoz), Narimon Umarov (“Adolat” SDP, 146 ta ovoz), Ulug‘bek Inoyatov (O‘zXDP, 137 ta ovoz), Boriy Alixonov (Ekopartiya, 139 ta ovoz) egalladi.
Xabar to‘ldirilmoqda
Izoh (0)