Moratoriy e’lon qilinganiga qaramay, Toshkentda daraxtlarni noqonuniy kesish holatlari davom etmoqda. Bu haqda O‘zbekiston Ekologik partiyasining Toshkent shahar kengashi raisi Lobar Qobuljonova “Daryo” muxbiri Musulmonbek Ibrohimovga bergan intervyusida to‘xtalib o‘tdi.
Xalq deputatlari Toshkent shahar kengashi deputati etib saylangan Lobar Qobuljonovaning ta’kidlashicha, Ekologik partiya poytaxtda daraxtlarning kesilishi yuzasidan tegishli vakolatli organlarga o‘z e’tirozlarini bildirgan.
Daraxtlarning noqonuniy kesilishi yuzasidan e’tirozlarmizni bildirdik. Odamlar “daraxtlarni kesish — o‘z-o‘zimizni toza havodan mahrum qilish” deya tushunishi kerak. Aholiga bu masala qonun doirasida tushuntirilmasa, daraxtlar kesilishining oldini olish juda mushkul.Eslatib o‘tamiz, O‘zbekistonda 1-noyabrdan daraxtlar kesilishiga moratoriy joriy etilgan edi — moratoriy 2020-yil 31-dekabrigacha amal qiladi. Moratoriy amal qilish davrida davlat o‘rmon fondiga kirmaydigan daraxtlar va butalar qimmatbaho navlarining kesilishiga ruxsatnoma berish man etiladi.O‘ylaymanki, O‘zbekiston Ekologik partiyasi kelgusi besh yillikda, ekologiyaga ta’sir etuvchi har qanday omillarga muxolif sifatida, daraxtlarning kesilishiga ham, albatta, qarshi turib bera oladi va shuning harakatidamiz.
Xalq deputatlari Toshkent shahar kengashida to‘rtta o‘ringa ega bo‘ldik, tuman kengashlariga saylangan vakillar bilan jami 33 deputatmiz. Nafaqat Oliy Majlis Qonunchilik Palatasi deputatlari, balki mahallaiy kengash deputatlari ham xalq bilan birgalikda barcha masalalarni yechishga harakat qiladi.
Lobar Qobuljonova, Ekopartiyaning Toshkent shahar kengashi raisi
Izoh (0)