Мораторий эълон қилинганига қарамай, Тошкентда дарахтларни ноқонуний кесиш ҳолатлари давом этмоқда. Бу ҳақда Ўзбекистон Экологик партиясининг Тошкент шаҳар кенгаши раиси Лобар Қобулжонова «Дарё» мухбири Мусулмонбек Иброҳимовга берган интервьюсида тўхталиб ўтди.
Халқ депутатлари Тошкент шаҳар кенгаши депутати этиб сайланган Лобар Қобулжонованинг таъкидлашича, Экологик партия пойтахтда дарахтларнинг кесилиши юзасидан тегишли ваколатли органларга ўз эътирозларини билдирган.
Дарахтларнинг ноқонуний кесилиши юзасидан эътирозлармизни билдирдик. Одамлар «дарахтларни кесиш — ўз-ўзимизни тоза ҳаводан маҳрум қилиш» дея тушуниши керак. Аҳолига бу масала қонун доирасида тушунтирилмаса, дарахтлар кесилишининг олдини олиш жуда мушкул.Эслатиб ўтамиз, Ўзбекистонда 1 ноябрдан дарахтлар кесилишига мораторий жорий этилган эди — мораторий 2020 йил 31 декабригача амал қилади. Мораторий амал қилиш даврида давлат ўрмон фондига кирмайдиган дарахтлар ва буталар қимматбаҳо навларининг кесилишига рухсатнома бериш ман этилади.Ўйлайманки, Ўзбекистон Экологик партияси келгуси беш йилликда, экологияга таъсир этувчи ҳар қандай омилларга мухолиф сифатида, дарахтларнинг кесилишига ҳам, албатта, қарши туриб бера олади ва шунинг ҳаракатидамиз.
Халқ депутатлари Тошкент шаҳар кенгашида тўртта ўринга эга бўлдик, туман кенгашларига сайланган вакиллар билан жами 33 депутатмиз. Нафақат Олий Мажлис Қонунчилик Палатаси депутатлари, балки маҳаллаий кенгаш депутатлари ҳам халқ билан биргаликда барча масалаларни ечишга ҳаракат қилади.
Лобар Қобулжонова, Экопартиянинг Тошкент шаҳар кенгаши раиси
Изоҳ (0)